BIALTU MLA RRR-a CHUNGAH CHUHVEL MIPUI AN LAWM

#ZONEWS August 01, 2025: Tukin zing karah Chuhvel khua a Chhungkaw 50 hnenah Hachhek Bialtu, Pu Robert Romawia Royte MLA fund aṭangin Syntex sem a ni a, Syntex semna hun hi Hachhek East Block Hruaitute’n an hman pui a ni.

Syntex sem chungchangah Chuhvel mipuite an lawm a, Tui dahkhawlna tur nei lo, chhungkaw harsa zual mi 50 hnenah hetianga Tui dahkhawlna tur sem a ni a, Chuhvel mipuite chuan Bialtu MLA chungah Lawmthu sawiin, a kal zelna turah duhsakna an hlan bawk a ni.

Hachhek Bialtu hian JCB Mission la kalpui mek zelin hei hi Tuidam leh Darlak inkara kawng chhiaa kal lo thei lo motor ten an hmang tangkai hle a, Motor tam tak tang lovin a hnuk chhuak tawh a ni. A hmang tangkaitute an hming tarlang lovin an tawngkam tlem dah chhuak ila.

Vawiin ni 1 August 2025 zingah Darlak leh Tuidam inkara Motor tang engemaw zat chu kan MLA Pu RRRA JCB in min hnukchhuak leh ta…!

“JCB Operator te hi an hah lutuk.Sorkar hian JCB 1 dang dah ve se aw…“

“Kawng chhia hi hmun hran hran a ni sia, JCB dang Sorkarin dah ve ngei rawh se.“