UD&PA MINISTER HOVIN KAWNGKAMA CHAWHMEH ZUARTE THUTNA TUR NGAIHTUAHHO

Dated Aizawl, the 2nd July, 2025: Vawiin khan Urban Development & Poverty Alleviation (UD&PA) Minister Pu K. Sapdanga hovin Aizawl khaw chhunga chawhmeh zuar, kawngkama thu thinte thutna tur hmun rem zawk chungchang ngaihtuahin Minister pisa-ah thutkhawm a ni.

Vawiin thutkhawmah hian Tennis Court bul kawngkama chawmhmeh zuara thu thinte harsatna sukiang tur leh an thutna tur hmun dang ngaihtuah turin Working Committee din ni se tia rel a ni a. Convenor-ah Municipal Commissioner- AMC bakah Aizawl DC, Aizawl SP leh Traffic SP te member atan ruat an ni a. An ni hian Aizawl khaw chhung veng hrang hranga chawhmeh zuara kawngkama thu thinte traffic ti buai lo leh felfai zawka an thut theihna tur hmun an ngaihtuah dawn bawk a ni.

He hunah hian Aizawl khawpui chhung kawngpui kam leh footpath-a chawhmeh pho leh zawrh chhuah thin chuan lirthei chetvelna a tihbuai mai bakah mihring kalna tur a dal thute, kawng a chep phah avanga lirthei khalhtute, kawng sira thute leh kawnga kalte tan pawh a him loh thute tarlan a ni a. AMC in veng hrang hranga market a sakte pawh luahkhah loha an awm mek thute tarlan a ni bawk.

He hunah hian AMC Mayor Pu Lalrinenga Sailo, Deputy Mayor Pu R. Thanglura, Commerce & Industries Commissioner Dr. Lalzirmawia Chhangte, UD&PA Secretary Pu Lalmalsawma Pachuau, Information & Public Relations Secretary Pi Betsy Zothanpari Sailo, AMC Commissioner Pu Joseph H. Lalramsanga, Aizawl DC Er. Lalhriatpuia, Aizawl SP Pu Rex Zarzoliana Vanchhawng, Sr. SP Traffic Pu Ruatsanga Ralte bakah Khatla leh Tuikhuahtlang Local Council aiawhte an tel a ni.