Zofate tan Nitin thuthar rintlak
Infiamna thil thleng thu thar ziahna
#ZONEWS July 17, 2025: Mizoram Football Association chuan Non Residential Elite Football Academy din a tum a, Academy-a lut duh turte tan July ni 26, 2025 (Inrinni) hian Lammual-ah Open Trial buatsaih a ni dawn.
#ZONEWS July 17, 2025: Mizoram khawthlang lamin an ngaihhlut em em RRR Cup for Kawrthah Zone Football Championship 2025 khel turin an huam chhunga khaw hrang hrang leh veng hrang hrangte an inpuahchah nasa tawh hle.
Inkhelhna hmun tur Kawrthah Football Ground pawh zan lama inkhelh ngei tumin Lighting System enchhin a ni a. Lighting System hi Bialtu MLA Pu RRRa’n a ruahman sak a ni a. Hachhek bial thalaite Bialtu MLA Pu RRR chungah an lawm hle.
#ZONEWS July 17, 2025: Mizoram Football Association chuan naupang ten football lama bultanna tha an neih theih nan, Reliance Foundation Young Champs te nen a tangkawpin School, Vengchhung leh Academy ah te U6, U8 leh U10 tan Futsal League buatsaihna hun tha a siam dawn a, a bul tan nan Aizawl khawpui chhungah he Project hi kalpui a ni ang.
#ZONEWS July 15, 2025: Kumin kumtawpa Red Bull in Aizawl-a mountain bike intlansiak (Urban Downhill race) an buatsaih tur chungchang ngaihtuahin vawiin khan Pu Lalnghinglova Hmar, Minister of State, Sports & Youth Services leh Tourism Department hovin sawrkar department aiawh leh khawtlang hruaitute an thukhawm.
#ZONEWS July 14, 2025: Tun nipui transfer bazar chu… Kepa Arrizabalaga – Kan hotuten an bia a, a rang a rangin a rawn insawn nghâl a. David Raya el a cho at. Martin Zubimendi – Liverpool, Bayern Munich leh Real Madrid te sawmna hnarin min rawn zawm a. ‘Arsenal lo chu’ a ti ve tlat!…
Arsenal star Kai Havertz leh a nupui Sophia Weber te chuan ngawi rengin $200,000 (₹1,71,99,241) zet mai chu restaurant pakhatah tuilian tuarte leh a chhanchhuaktute chaw ei siamna turin an lo pe reng mai.
#ZONEWS July 14, 2025: USA-a Texas State chu nasa tak maiin tuilianin a sawi a, in leh lo leh nunna tam tak an chana an buai hle a ni tih kan hria a. Chhanchhuaktu lam pawh an hah hle mai. Hetiang karah hian infiammi tam takin tanpuina an pe tih pawh kan hria a. Football star, Arsenal hmatawng Kai Havertz leh a nupui Sophia Weber te pawh ngawi rengin an lo che chhuak a. Tuilian an tawrhna hmuna tualchhung Restaurant pakhat, a hming Grape Juice tih restaurant-ah ngawi rengin $200,000 (India pawisaa ₹1,71,99,241) zet mai chu an lo pe ve reng mai a. Hei hi tuilian tuar mi sang eng emaw zat leh chhanchhuaktute chaw eitur buatsaihnan an pek a ni.
#ZONEWS #INFIAMNA July 14, 2025: Set hmasa berah 4-6 a a chak loh hnuah, zawna set 3 la in,Sinner chuan Alcaraz chu 4-6, 6-4, 6-4, 6-4 in a hneh a, a vawikhatna atan Wimbledon no mawi a chawi ve ta.
Tennis chanchina Big 4/3 inelna nite chu kan vui liam zo chauh a, Sinner leh Alcaraz inelna Tennis kan hmu chho leh nghal e. Tennis ngainatute tan chuan chanchin lawmawm tak a ni.
Sinner hi Italian mipa zinga Wimbledon Singles no mawi chawi hmasaber a ni.
#zonews #infiamna #wimbledon2025 #sinner
#ZONEWS July 14, 2025: FIFA Club World Cup 2025 Final, MetLife Stadium, New Jersey, USA-a khelh zawh takah, English Premiere Club Chelsea chuan EUFA Champions League champion, France Ligue 1 Club chu 3-0 a hnehin no mawi an chawi a. Chelsea tan hian Cole Palmer chuan goal 2 thunin, Joao Pedro chuan Chelsea goal 3na chu second half tan hnu lawkah a thun a, PSG tantute USA-ah an ngawi thuap mai.
Club World Cup final hi, US President Donald Trump chuan a hmunah a thlir ve Nghe Nghe a ni.
Tihian Chelsea hian Club World Cup hi an vawi thum chawina chiah a ni.
#ZONEWS July 14, 2025: UFC website chuan UFC #318-a intumturte a rawn dah chhuak leh ta a. Main Lineup zingah Holloway vs Poirier III hi mite ngaihven ber a ni ang.
UFC #318 hi July 20, 2025 Sunday chawhnu dar 1 hian an insual tan dawn a. Chawhnu lam inkhawm thin tan pawh inkhawm banah a hmuhnawm ber tur Holloway vs Poirier III hi en hman tawktura ngaih a ni. Pay per view hmangin Online-in a en theih dawn a.
INDIAN SUPER LEAGUE (ISL) A AWM ZEL DAWN EM?
#ZONEWS #ARTICLE July 13, 2025: All India Football Federation (AIFF) lam thu chhuah leh an sangawizawnpui Football Sports Development Limited (FSDL) thu chhuah atanga a landanin, Indian Super League (ISL) hmalam dinhmun a chiang ta lova, ISL hi a awm zel dawn em tih pawh hriat a ni ta lo. Hei hian India ram football dinhmun chiri zia a tarlang chiang viau mai.
