Zofate tan Nitin thuthar rintlak
#ZONEWS July 11, 2025: Tunlaiin Mizoram hmun hrang hrangah kawngpui chhia avangin NGOs/Pawl hrang hrang hmalakna hmuh tur a awm nual mai. Chung zingah chuan Mamit District chhunga, Darlak leh Tuidam inkar, khawthlang lam kalpawhna kawng leh an chak lakna ber chu Social Media lamah pawh a langsar ber zing a mi a ni ta.
Tuna kan Ministry hrawn mek hi mi tam tak sawi dan hi kan hre tlanglawnin a rinawm a, “Kan ti ang an tih an ti lo chu a hriatthiam theih a, kan ti ve lovang an tih an ti leh zel si hi a ni” tiin.
#ZONEWS July 11, 2025: Nimin July ni 10, 2025 khan Khawzawl District Village Council Association hruaitu thar an inthlanga. Inthlanna hi Zaingen Branch YMA hall-ah Pu C. Lalromawia, Treasurer, All Mizoram Village Council Association kaihhruaina hnuaiah neih a ni.
#ZONEWS July 10, 2025: BJP Mizoram chuan CADC Governor Rule puan chungchanga Home Minister Pu K. Sapdanga’n Larsap thutlukna demna thu a sawi chu Mizorama thil la thleng ngai lo a ni tih sawiin pawi antih thu a sawi.
#ZONEWS July 10, 2025: Mizoram Governor, General (Dr) Vijay Kumar Singh, PVSM, AVSM, YSM (Retd), President, Indian Red Cross Society (IRCS), Mizoram State Branch ni bawk chuan vawiin khan Govt. Aizawl College, Mualpuiah IRCS Mizoram State Branch tharthawhna hun hmanpuiin hmalakna tur duante a tlangzarh a. Mizorama Youth Red Cross Unit din hmasa ber Govt. Aizawl College leh a pahnihna Govt. T. Romana College-te hnenah Institutional Membership Certificate a hlan bakah, IRCS Mizoram State Branch hruaitu 7 te hnenah Life Membership Certificate a hlan nghal bawk.
#ZONEWS July 10, 2025: CDF Hakha chuan Sagaing Yinmarpin-ah ruihhlo an man a, an hal ral nghal a ni.
Damdawi hi CNDF gate bul Lui-ah dah tur a ni a, hei hi Falam bula awm a ni.
Ruihhlo tawlhrutute hian silai pahnih an keng tel a. Ruihhlo hi Mizorama tawlh luhtur niin an sawi.
#ZONEWS #MIMALNGAIHDAN
Bible-in, “Ngai rawh u, Jerusalem chu a chhehvêla hnam zawng zawng tán ruihna novah ka siam ang,” a tih ang mai khán Restricted Tender hi Mizorama party sorkár apiang tán Restricted Tender ruihna no a ni.
“Thudik zatve kaihlek a, party dang beih nan a dawt sawi fo mai te hi, kan education Minister pawh hian an hotute hri hi a lo kai ve ta a ni awm e.”
#ZONEWS July 7, 2025: Ni 8.7.2025 a Mizoram CM Pu Lalduhoma’n Union Home Minister Pu Amit Shah a hmuh tum khan, Mizo CM Pu Lalduhoma chuan Pu Amit Shah a thlalak frame chu a present-a. He thlalak frame-ah hian Mizo puan zia tepawh hmuh theih a ni.
#ZONEWS July 9, 2025: Hnahthial bialtu MLA Pu Jeje Lalpekhlua’n Hnahthial District in Sustainable Development Goals (SDG) (2023 atanga 2024) inkarah District ti tha ber nihna a hauh chu lawmawm a tih thu sawiin, India in kum 2047-a ram hmasawn nih a tumna atana kawng pawimawh tak a nih thu a sawi.
