Champhaiah Faina Beihpui thlak

#ZONEWS Champhai September 12, 2025: Vawiin khan I&PR Auditorium, CHANEM Building-ah Mizoram Cleanliness Competition 2025 kick off neih pahin Champhai Faina Beihpui (Clean Champhai Project) orientation programme buatsaih a ni a, Champhai Bawrhsap Pu Mohammad Aaquib chu khuallian a ni.

Khuallian Pu Mohammad Aaquib chuan mahni ram enkawltu kan nihna angin faina hi mahni tan leh midang tan kan mawhphurhna a ni a, tanrualna tel lo chuan Champhai hi a fai thei dawn lo tih a sawi a. Champhai Sanitation Task Force chuan hmalakna leh hmakhua hrang hrang a nei a, heng an thiltum a hlawhtlin nan khawtlang hruaitute leh sawrkar hotute tha taka thawk ho turin a fuih a, Champhai district ti hmingthatu Hnahsin Kut pawh bawlhhlawh awm lo (litter free) a siam tum a ni tih a sawi bawk. Champhai mawina hi a phaiah leh tlangah te chauh ni loin a khawchhungah pawh a awm a ni tih a lan ngei nan theihtawp chhuah turin a sawm a, Mizoram Cleanliness Competition a zawh hunah danglamna a awm ngei a beisei thu a sawi. Thu a sawi zawh hian khuallian chuan kick off a puang nghal bawk a, Champhai Faina Beihpui tan a ni tih a puang.

He hun hi hun hniha then niin hun khatna hi kick-off programme a ni a, District Urban Development Officer (DUDO) Pu Ngulzathuama’n a kaihruai. UD&PA atangin Jr. Engineer Pu F. Lalhriatpuia’n Mizoram Cleanliness Competition 2025 chungchang hriat tur hrang hrang a sawi a, tihfai hun chhung te, endikna neih dan tur te leh lawmman sem hun tur te a sawi. Champhai SP Pu Lokeshwaran R chuan thu tawi sawiin Champhai hi entawn tlakah siama boruak leh kawng fai tak neih tum turin kalkhawmte a fuih a ni.

Hun hnihna hi orientation programme niin DUDO hian a kaihruai leh a, Orientation programme-ah hian VC member te, YMA te, MHIP te, MUP te, MZP te leh khawtlang leh pawl hruaitu hrang hrang sawm an ni. Manager Pi Baby Lalremtluangi’n PowerPoint presentation hmangin a sawizau a, he intihsiaknain a tum te, mark peknaa endik tur hrang hrang te a sawi lang a ni. He hun tawpah hian inkawmna hun tha tak neih a ni bawk.

Champhaiah Faina Beihpui thlak

2104/2025-2026

Champhai, dated 12th September 2025: Vawiin khan I&PR Auditorium, CHANEM Building-ah Mizoram Cleanliness Competition 2025 kick off neih pahin Champhai Faina Beihpui (Clean Champhai Project) orientation programme buatsaih a ni a, Champhai Bawrhsap Pu Mohammad Aaquib chu khuallian a ni.

Khuallian Pu Mohammad Aaquib chuan mahni ram enkawltu kan nihna angin faina hi mahni tan leh midang tan kan mawhphurhna a ni a, tanrualna tel lo chuan Champhai hi a fai thei dawn lo tih a sawi a. Champhai Sanitation Task Force chuan hmalakna leh hmakhua hrang hrang a nei a, heng an thiltum a hlawhtlin nan khawtlang hruaitute leh sawrkar hotute tha taka thawk ho turin a fuih a, Champhai district ti hmingthatu Hnahsin Kut pawh bawlhhlawh awm lo (litter free) a siam tum a ni tih a sawi bawk. Champhai mawina hi a phaiah leh tlangah te chauh ni loin a khawchhungah pawh a awm a ni tih a lan ngei nan theihtawp chhuah turin a sawm a, Mizoram Cleanliness Competition a zawh hunah danglamna a awm ngei a beisei thu a sawi. Thu a sawi zawh hian khuallian chuan kick off a puang nghal bawk a, Champhai Faina Beihpui tan a ni tih a puang.

He hun hi hun hniha then niin hun khatna hi kick-off programme a ni a, District Urban Development Officer (DUDO) Pu Ngulzathuama’n a kaihruai. UD&PA atangin Jr. Engineer Pu F. Lalhriatpuia’n Mizoram Cleanliness Competition 2025 chungchang hriat tur hrang hrang a sawi a, tihfai hun chhung te, endikna neih dan tur te leh lawmman sem hun tur te a sawi. Champhai SP Pu Lokeshwaran R chuan thu tawi sawiin Champhai hi entawn tlakah siama boruak leh kawng fai tak neih tum turin kalkhawmte a fuih a ni.

Hun hnihna hi orientation programme niin DUDO hian a kaihruai leh a, Orientation programme-ah hian VC member te, YMA te, MHIP te, MUP te, MZP te leh khawtlang leh pawl hruaitu hrang hrang sawm an ni. Manager Pi Baby Lalremtluangi’n PowerPoint presentation hmangin a sawizau a, he intihsiaknain a tum te, mark peknaa endik tur hrang hrang te a sawi lang a ni. He hun tawpah hian inkawmna hun tha tak neih a ni bawk.