Zângnadawmna pek chungchangah Lawngtlai Bawrhsap, NHIDCL, ABCi leh ram neituten inremna ziak

#ZONEWS Lawngtlai October 10, 2025 : Vawiin khan National Highway -02, kawng laih meka, Zângnadawmna (compensation) pek chungchangah Lawngtlai Bawrhsap Pu Donny Lalruatsanga chuan NHIDCL, ABCi hotute leh ram neitu a Office Chamber-ah kovin, inremna a ziahpui.

Pu Donny Lalruatsanga chuan inremna a awm thei chu lawmawm a tih thu a sawi a. Ram neitu leh NHIDCL, ABCi- te tan thu lawmawm ve ve a ni tiin, lungawi lo zawk awm lo va, lungrual taka thurem a awm chu fakawm a tih thu a tarlang a . Kum- 5 lai hnathawh theih loh a awm hnuah inremna a awm thei chu thil chhinchhiahthlak tak a ni, a ti. Inremna a awm tawh angin, chak taka hnathawk turin NHIDCL leh ABCi lam te pawh a chah nghal bawk.

Zângnadawmna pe tura inremna hi Bawrhsap chuan ram neitu Pu R. Lallianbuka, Thingkah, NHIDCL leh ABCi hotute nen a ziahpui a. Inremnaah hian NHIDCL leh ABCI te chuan ram neitu Pu R. Lallianbuka, Thingkah, hnenah hian zâng na dawmna cheng 11,90, 648/- chu cheque in an hlan a, kawng hi an laih chhunzawm thei nghal dawn a ni. 

Pu R. Lallianbuka ram hi Pi Awngi tuikhur leh 3rd IR Battalion inkar NH-02 Kawngpui sir  a awm, meter- 390  a thui a ni.