Champhaiah Independence Day hman dan tur rel a ni

#ZONEWS July 21, 2025 Thawhtanni: Independence Day vawi 79-na chu August ni 15, 2025 hian Champhaiah ropui taka lawm tum a ni a, a hman dan tur rel turin vawiin khan DC Conference Hall-ah Champhai Bawrhsap Pu Mohammad Aaquib hovin sawrkar leh khawtlang hruaitute an thukhawm. Independence Day-a khuallian tur hi EF&CC Minister Pu Lalthansanga a ni dawn a, Chhangphut Field-ah chawhma dar 11-ah programme tan a ni ang.

He meeting-ah hian hotute chuan inpuahchah dan tur sawi hovin contingent awm zat tur te, a hmunhma tihfai dan tur te, sound system hman tur te, Independence Day puala intihsiakna buatsaih tur te an sawi ho a ni. Chairman Pu Mohammad Aaquib chuan meeting-a telte an hun hlu tak an pek theih avangin lawmthu a sawi a, hlim tak leh ropui taka harsatna awm lova an lawm theih nan theihtawp chhuah turin a fuih bawk a ni.

He meeting-ah hian department hotute, VCP leh VC member te leh sports association member te an tel a ni.