CHIEF MINISTERIN FINANCE DEPARTMENT HOTUTE MEETING A NEIHPUI

#ZONEWS Aizawl August 20, 2025: Vawiin khan Chief Minister Pu Lalduhoma, Finance Minister ni bawk chuan a office-ah Finance Department hotute meeting a neihpui a. Tun hnaia an hmalakna thil hrang hrang a sawipui. Chief Minister hi Pu TBC Lalvenchhunga, Adviser to CM (Finance & Planning) chuan a tawiawm.

Meetingah hian Compensatory Afforestation Fund Management and Planning Authority (CAMPA), Mizoram dinhmun leh hmalak mekna te, 15th Finance Commission 2023-24 Grant tun hnaia hmuh chungchang te leh finance kaihhnawih tun hnaia hmalakna langsar zualte, Audit thu leh Project Monitoring Committee te nena hmalakhona tur te an sawi a ni.

Meeting-ah hian Pu Vanlaldina Fanai, Commissioner, Finance leh official dangte an tel a ni.