Khawzawlah SHE Box Portal inhrilhfiahna hun hman a ni

#ZONEWS Khawzawl August 20, 2025 : Vawiin chawhma dar 11 khan DC Auditorium Khawzawlah SHE Box Portal chungchang sawihona hun neih a ni a, Pi Lalpianpuii District Mission Coordinator, DHEW chuan Power Point Presentaion hmangin SHE Box Portal hman dan tur a sawifiah.

SHE Box hi POSH ACT (Sexual Harassment of Women at Workplace (Prevention, Prohibition and Redressal) Act, 2013 chungchanga sawrkarin hmalak awlsam nana a duan a ni a. He hunah hian Online Portal a in ziahluh dan inhrilhfiahna hun neih niin, Office emaw Private Institution zawng zawnga thawktu sawm (10) awm tlinna hrim hrimte chu he portal-ah hian an in ziaklut (register) a ni. La in ziaklut ve lo emaw hrechiang duh emaw tan District Hub for Empowerment of Women (DHEW) Office Khawzawlah zawh chian theih a ni.

He hunah hian Khawzawl Deputy Commissioner, Pu K. Vanlalthiana bakah Line Department hrang hrang te kim takin an tel a ni.