DELHI TO MIZORAM AIR TICKET TO LUTUK KA SAWI CHHUAK. -Pu K. Vanlalvena, MP (RS)

#ZONEWS July 20, 2025:

Parliament Monsoon Session 2025 inbuatsaihna atan vawiin Sunday chhun dar 11.00 hian All Parliamentary Floor Leaders Meeting kan nei a.Thusawina hun pek ka nih angin Mizoramin airport kan neih chhun Lengpui Airport leh Delhi inkar thlawhtheihna chuan man to lutuk chungchang ka sawi chhuak a ni.

July ni 9,2025(tun thla) khan Lengpui atangin Delhi ka pan a.Indigo Air Service thlawhnaah chuangin ticket man hi Rs 25951/- a nih thu leh chu chu Delhi to Jakarta,Indonesia khawpui kalna Air ticket man ai pawha to zawk a nih thu ka sawi chhuak a.Kum tinin Christmas dawn December thla apianga Delhi to Aizawl thlawhna chuan man Indigo ho hian an tihsan bik ziah thu te ka sawi chhuak bawk a.He Mizoram mipuite harsatna min sutkian pui tur hian sawrkar laipui ka beisei thu ka sawi chhuak a ni.

Ka meeting pui member dangte beng a verh hle in ka hria a.Ka thusawi laiin an thum hak nghe nghe.
Ruahman lawk ang chuan July ni 21 atanga August ni 21 thleng Parliament Monsoon Session hi neih tur a ni.Tun Session chhunga Bill sawi ho tura sawrkar in Bill a chhawpchhuah zingah Mizoram kaihhnawih thei emaw sakhaw lam kaihhnawih thei tur chi a awm lovin a lang.