ENGINEER TE IN A THA EM EM HLAWM A. KAN KAWNG A CHHE HLE THUNG! KAWNG CHHIAT CHHAN HI MIZORAM LUNG NO VANG A NI LO TIH 99.99% IN KA SAWI NGAM VE TLAT. KAWNGA SUM AN SIAM ṬHIN VANGA THA LO A NI. – Ruatfela Nu

#ZONEWS August 02, 2025: Mizoram PWD in thal hnih, thla 10 chhung kan chak lakna kawng pui an ngaihthah vangin Zoram pum kan phek buai a. He thil hi PWD lam inthlahdah/ngaihthah (negligence) dik tak a ni. PWD minister lahin mawhphurhna a la duh si lo. A insawifiah zur zut a. Mipui nawlpuiin kan pawm leh pawm loh chu thuhran.

Eng pawh ni se, mawhphurtute inthlahdahna avanga Mizoramin sum leh pai, tha leh zung kan hloh/senral hi vaibelchhe engzat ni ang. A tam khawp ang. chu a tlin ngei ka ring. Min han chhut pui teh u khai.

Tin, heti hi a ni a: Thuampui- Zuangtui-Muanna Veng panna kawng aia motor lian tlan nasatna kawngpui hi a awm kher lo ang a, buhfai phur truck lianin chhun zan zawmin thangkhatlian aia rei chuangah pawh an rap chhe lo a. A chhan nia lang chu siam a nih laia uluk tak a vil leh ven a nih vang niin ka hria a. Tin, manṭang ei tu an awm lo a, contractor te hna a tha mai ni.

Kan politician (minister leh MLA te) kan mawhpuh rual hian, Engineer hausa em emte hi an inenfiah a ngai!

Kawng chhia vanga tawrhna a rapthlak em avangin tuartu mipui kan au chhuak a, sawrkar lai kan bei a. Chutah chuan mipui hi ngawi duk anga kan lan lai hian kan rilru chu a nâ a ni ti r’u! Mipui rilru nâ sawhkhawk kan la hmu leh ngei ang a. Silai leh hriam nena ram siamthat tum an lo chhuak lo a ni pawhin VOTE hmangin mi tha lo paih a nih leh ang. A buaithlak ta ber chu mi țha vote tur kan nei chuang lo hi a ni.