ZONUNMAWI: Lianpui khuaa Branch YMA Member ten nimin khan chhiat an tawh avanga thlawhhma kawng zawh mumal thei lo hlo an thlawh sak.

#ZONEWS August 02, 2025: Champhai District a Lianpui khuaa Branch YMA member te chuan nimin khan chhiat an tawh avanga thlawhhma kawng zawh mumal thei lo, Pu Zamdingliana, Pu Hrilthanga fapa te chhungkaw thlawhhma, buh hmun tin khat vel chinna leh Sawhthing quintal 3 vel chinna chu an thlawh zawh sak a, Chawhnu lamah Tv Lalliansanga thlawh hma pawh an thlawh zawh sak nghal a ni.

Pu Zamdingliana hi kumin July ni 22 khan a nupui Lalnunnemi chuan a thih san a, a fa naupang 2 – kum 9 mi leh kum 3 mite chu ramah riahpuiin a thlawhhma hi a enkawl tha thei meuh lova, Lianpui branch YMA Member 56 hnatlanga thawk chhuak ten Tiau lui kam, Chithar rama a thlawhma, Lianpui khua atanga KM 9 vela hla a mi chu nimin khan an thlawh zawh sak ta a ni.