Excise and Narcotics Department chuan kum 2025 kum chanve chhungin ruihhlo thahnem tak an man kaihhnawihah mi 3906 manin lirthei 91 an man tel bawk.

#ZONEWS July 12, 2025: Excise and Narcotics Department chuan kum chanve chhungin ruihhlo thahnem tak an man a, hemi kaihhnawihah hian mi 3906 man niin lirthei 91 an man tel bawk.

Excise and Narcotics Department thuchhuah tarlan danin kumin kum tir atangin heroin kg 34 chuang man tawh a ni a, ganja kg 156 chuang man niin opium gram 945 man a ni a, damdawi hrang hrang tam tham tak man niin rakzu litre sing 3 sang 9 dawn man a ni a, zu bilh lai tin tham tham tak man niin dawidim kg 75 bakah sap zu tam tham tak leh soju leh BEDC pawh man tel a ni.

Excise and Narcotics Department hian ruihhlo leh a kaihhnawih NDPS Act 1985 hmangin nasa takin ruihhlo a tlem theih nan hma an la a, dan bawhchhiate dap chhuah bakah ruihhlo do kawngah tlawmngai pawl hrang hrang nen thawkho in ruihhlo a rem theih nan theihtawp an chhuah mek zel a ni.

#zonews #ruihhlo #tualchhung