Zofate tan Nitin thuthar rintlak
#ZONEWS Mamit August 18, 2025 : August ni 15 India Independence Day 2025 Mamit-a hmanna-ah Excise & Narcotics Department hmalakna-in ruihhlo dona kawnga hmalakna atan ruihhlo tilo tura intiamna signature kalpui a ni a, hetah hian zirlai leh mipui kalkhawm mi 1000 velin hming an sign a ni. Nimin Independence Day 2025 hmanna-a Khuallian Pu C.Lalsawivunga,…
#ZONEWS Saitual August 13, 2025: Vawiin khan Keifang Centenary Sports Complex-ah ruihhlo ti lo tura thutiam Nasha Mukt Bharat Abhiyan (NMBA) Pledge chu Saitual District chhunga zirlai naupangte, zirtirtute leh sawrkar hnathawk kalkhawm ten an sawi rual a ni. Nasha Mukt Bharat Abhiyan (NMBA) Pledge chu a hnuaia tarlan ang hi a ni: Kan ram ruihhlovin…
Chawngte-ah Cheng Nuai 6 chuang man ruihhlo thahnem tak hal ral a ni.
#ZONEWS July 19, 2025: Nimin khan Chawngte Area Anti Drug Squad chuan Chawngte playground bulah ruihhlo an man te tihralna hun hmangin Chawngte SDO(C) Pu Lalnunpuia Renthlei in a hman pui.
Chawngte Area Anti Drug Squad Chairman, Pu C. Lalhmunmawia chuan ruihhlo halralna inkhawm a kaihruai a, Mizoram Sorkar chuan Ruihhlo do turin khaw tinah Village Level Task Force on Ruihhlo do Committee din tura a tih angin Chawngte ‘P’ ah din a ni a, sawt zawka Chawngte khawpui chhunga ruihhlo do anih theih nan Chawngte Area Anti Drug Squad chu May ni 3, 2025 khan din chhunzawmin chak taka hmalak a ni a ti. Ruihhlo chi hrang hrang Zu, Drug leh Ganja te man a ni a, Damdawi leh Ganja te chu him taka dah khawmin vawiin hian kan hal ral dawn a, Zu kan man tam takte chu tihchhiat nghal zel a ni thung. Nimin halral tur ruihhlo an man zawng zawng hi Rs.6,98,000/- man hu nia chhut a ni a, hetiang zat ruihhlo man thei tura tha leh zung sengtu zawng zawng hnenah lawmthu a sawi a ni.
#ZONEWS July 12, 2025: Excise and Narcotics Department chuan kum chanve chhungin ruihhlo thahnem tak an man a, hemi kaihhnawihah hian mi 3906 man niin lirthei 91 an man tel bawk.
