Khawzawlah raltlante tan blanket sem a ni

Khawzawl, dated 4th July, 2025: Vawiin chawhnu dar 1 khan DC Auditorium, Khawzawl-ah Khawzawl khaw chhunga Myanmar leh Manipur raltlante tan Blanket sem a ni a, Addl. DC Pu Lalfakzuala’n hun a kaihruai. 

He hunah hian Deputy Commissioner, Pu K. Vanlalthiana chuan thu sawiin raltlante chu theihtawpa tuamhlawm a, tawiawm a tul zia sawiin, mamawh leh tul dangte a awm leh a nih pawhin VC te chu inthlahrung lova sawi leh zel turin a chah a ni. DC hian blanket semna hun a hmang nghal bawk a ni.

He hunah hian chairman chuan raltlan chungchang report tawi a pe a, Khawzawl SP Pu F. Lalbiakzauva chuan thu tawi a sawi a, Pu Vanlalzawna, Joint VCP chuan lawmthu sawina hun hmangin hun a ti tawp a ni. He hunah hian VC member te leh line department thenkhat te an tel a ni.

Khawzawl District chhungah hian Myanmar raltlan hi mi 304 awmin, Manipur raltlan hi mi 4 an awm. He hunah hian Khawzawl khawchhung bik tan sem a ni a, veng VC theuh te hnena sem a ni.

#zonews #chanchinthar #tualchhung #khawzawl