HIGH COURT CHUAN GOVERNOR-IN LADC CEM ATANA PU N ZANGURA, BJP A RUATNA CHU A HNAWL

#ZONEWS August 08, 2025: Gauhati High Court Aizawl Bench chuan LADC chief executive member (CEM) atana Pu N Zangura, BJP ruatna chu hnâwl (cancel) a, Larsap Gen. VK Singh thutlukna anga CEM atanga chawlhtir tak Pu V Zirsanga, ZPM chu CEM ni zui turin a ti.

High Court hian vawiin Aug. 8, 2025 hian order a siam a; Pu V Zirsanga kaihhruai LADC sawrkar chu High Court order chhuah atanga chawlhkar hnih chhunga floor test turin a ti nghal.

LADC-ah hian 27.2.2025 khan Pu V Zirsanga kaihhruai ZPM sawrkar lak luh a ni a, dan anga floor test hmanga paih pawh awm loin Governor Gen. VK Singh chuan BJP MDC Pu N Zangura chu CEM atan a ruat a, May 8, 2025 khan CEM atan lak luh a ni. Hei vang hian Pu V Zirsanga chu High Court-ah a zualko ta a ni.