Hnahthialah SHe-Box portal chungchang Hands on Training neih a ni.

#ZONEWS Hnahthial August 19, 2025 : Vawiin khan DC Meeting hall-ah SHe-Box portal chungchang ah “Hands on Training” neih niin Addl DC, Pu Zothanmawia Khiangte chuan a kaihruai a. District chhunga sawrkar pisa thawktu sawm (10) awm tlingte hnenah SHe Box portal a in ziahluh dan chu District Hub For Empowerment Staff ten an zirtir a ni.

Prevention of Sexual Harrasment of Women at Workplace (Posh Act 2013) hnuaiah hian sawrkar pisa leh private establishment a thawktu sawm (10) awm tlinnaah chuan hmeichhiaten an hnathawhna a harsatna an tawh palh pawh a complaint an thehlut theihna turin Internal Complaints Committee (ICC) din vek tur a tih an ni a. Heng committee dinte hian SheBox portal-ah in register vek tur a tih an nih angin, hemi chungchang inhrilhfiahna hun hi hman a ni.