H&TE MINISTER-IN MIZORAM STATE UNIVERSITY DINNA HMUN TURTE A TLAWH

#ZONEWS Aizawl October 22, 2025: Higher & Technical Education Minister Dr. Vanlalthlana chuan vawiin khan Mizoram State University (MzSU) dinna tur hmun thenkhat a tlawh.

Mizoram State University chu college awm sate hmang ṭangkaiin clustered university kalphunga din tum a ni a. NEP 2020 duh dan angin State University chu multidisciplinary-a kal a ngaih avangin college eng emaw zat chu sawi khawm (cluster) tum niin, resource neih sa inhmanṭawm theih chu inhmanṭawm tura ruahmanna siam a ni.

Minister chuan a hnuaia hmun, MzSU cluster awmna turte hi a tlawh a. A hmuna Department hotute leh College zirtirtute’n an lo dawngsawng a ni.

1. Directorate of Geology and Mining, Luangmual – Mizoram State University administrative building leh building dangte awmna tur
2. Govt. Aizawl West College campus, Luangmual – School of Social Sciences awmna tur
3. Govt. Aizawl College building, Sikulpuikawn – administrative building sak laia luah lailawk tur
4. Govt. Aizawl College campus, Salem Veng, Mualpui – School of Humanities & Education awmna tur
5. Govt. Hrangbana College, Muthi – School of Economics & Management awmna tur
6. Govt. Zirtiri Residential Science College campus, Durtlang – School of Sciences awmna tur

He’ng bakah hian Mizoram Engineering College, Pukpui, Lunglei-ah School of Engineering & Technology a awm dawn bawk a ni.

Minister hi PWD Chief Architect Pi Lalchhandami te, H&TE Joint Secretary Pu K. Lalhmangaihzuala te, H&TE Joint Director (Admn) Dr. Laltanpuia te, H&TE Joint Director (QAC) Prof. Benjamin Lalrinsanga te, H&TE Additional State Project Director (RUSA) Dr. C. Zarzoliana te leh H&TE Assistant Engineer (RUSA) Pu Joshua Lalthakima te’n an tawiawm a ni.