CHAMPHAIAH MIZORAM FLAGSHIP PROGRAMME BANA KAIH SCHEME THLIRLETNA NEI

#ZONEWS Champhai October 22, 2025: Champhaiah Mizoram Flagship Programme Bana Kaih (Handholding) Scheme hnuaia hmalakna hrang hrang thlirletna Champhai Bawrhsap Pu Mohammad Aaquib hovin DC Conference Hall Keifangtlangah neih a ni.

Vawiin meeting-ah hian Bana Kaih Scheme Phase–I hnuaia department-in loan la thei tura thlan te bank-in loan an pek dan leh bank-in loan a pek theih tak loh te chungchang sawiho a ni a. Loan diltu zingah loan dang rulh lai neih avang te, loan rulh that loh neih avanga CIBIL Score chhia, document felfai tawk lo avangte leh chhan dang hrang hrang avangte in hnawl an awm thu tarlan a ni a, diltu anmahni duh thua inhnuklet leh pawh an awm bawk a ni. Chief Minister’s Special Package hnuaia hmalakna chungchang pawh sawiho niin hlawhtling taka kalpui a nih theih nan meeting chuan Implementing Department chu an hnuaia hmaklaknate enzui reng tura chah an ni bawk.

Vawiin thutkhawmah hian Implementing Department Nodal Officer-te leh Bank aiawhte telin Phase-II kalpui lehna tura hmalakna turte sawiho a nih bakah  Entrepreneurship Development Programme (EDP) Training beneficiary te rang zawka pek theih dan tur pawh sawiho a ni bawk. Bana Kaih Scheme leh Chief Minister’s Special Package hnuai hmalak tawh dan kimchang hi Department ten October ni 31 chhungin Deputy Commisioner Office ah an thehlut leh dawn a ni.