Indian Red Cross Society, Mizoram Branch-in Govt. T. Romana College-ah Blanket 30 leh Oxygen Concentrator an hlan

#ZONEWS Aizawl July 31, 2025: Vawiin khan Indian Red Cross Society, Mizoram State Branch chuan Govt T Romana College-ah, IRCS hmalanate inhrilhhriatna leh thilpek hlanna hun an hmang a. He hunah hian Pu H. lalengmawia, IRCS, Mizoram Chairman leh Commissioner&Secretary Govt. of Mizoram chu khuallian niin, IRCS aiawhin khuallian hian blanket 30 leh Oxygen Concentrator-te Govt. T Romana College hi a hlan nghal a ni.

Thilpek hlanna hunah hian khuallian IRCS, Mizoram Chairman Pu H. Lalengmawia chuan kalkhawmte hmaah thusawiin, Indian Red Cross Society hmalaknate puanchhuahna hun an nei thei chu lawmawm a tih thu a sawi a. IRCS chu pawl pawimawh tak, Mizo hnam nunphung nen pawha inmil tak leh ram pum mai piah lamah khawvel pum huap pawha pawl ropui tak a ni tih a sawi a. Zirlai leh Zirtirtu lo kal khawm zawng zawngte pawh IRCS-ah chuan tel ve theuh tura sawmin, mihring puite tana rawngbawl chu kan rinna leh kan sakhuana nen pawh a inrem hle a ni tih a sawi a. Midangte tana tangkai taka nun leh hun hman tum zel turakalkhawmte chu chahin, IRCS pawimawhna chu inzirtir uar sauh sauh turin a sawm nghal bawk a ni.

Vawiina  hun hman  hi IRCS, Mizoram Treasurer Pu Francis Lallawmkima chuan kaihruaiin, kal khawmte lawmna thu a sawi a. IRCS Asst. Secretary Pu Zodinsanga hnen atangin Indian Red Cross Society chanchin tlangpui leh hmalak tawhna hrang hrangte ngaihthlak a ni a. Govt. T Romana College Vice Principal Pu R. Lalremliana hnen atangin thusawi ngaihthlak a ni a. Hemi zawh hian life-membership leh blanket 30 leh oxygen concentrator-te hlanna neih a ni a. IRCS, Mizoram Joint Secretary Dr. Benjamin Lalrinpuia’n lawmthu sawiin hun hi a khar a ni.