SDO(S), Aizawl District HOVIN ARMY RECRUITMENT RALLY NEIHNA TUR RAJIV GANDHI STADIUM TLAWH A NI.

#ZONEWS Aizawl July 30, 2025: Vawiinah khan  SDO(S), Aizawl District Pu Srinivas Sadi, IAS  kaihhruaina hnuaia nithum chhung (7^th-9^th August,2025)  Sipai lak Runpui ( Army Recruitment rally) neihna tur hmun Rajiv Gandhi Stadium, Mualpui, Aizawl chu  Army Recruitment Office’s official te, mawhphurhna nei department aiawh te , Salem veng Local council leh YMA aiawh te leh NGO aiawh te nen tlawhin, Army Recruitment Rally tha taka neih a nih theih nana mawhphurhna chanvo neih department, LC leh YMA  te inpuahchah dan te thlirho a ni.

 Indian Army chuan India ram hmun hrang hrangah August thla chhung hian Sipai lak runpui a kal pui dawn a. He Sipai lak runpui-ah hian Army Recruiting Office, Aizawl pawhin  Mizoram district tin atanga Sipai intlar tura tlaka ngaih(shortlisted candidates)te tan   Army Recruitment Rally hi Rajiv Gandhi Stadium Mualpui, Aizawl-ah Nithum chhung (7^th-9^th August,2025) a buatsaih dawn a.

 Sipai intlar tur te chuan Rajiv Gandhi Stadium Mualpui, Aizawl-ah August ni 7 zing dar 4:00Am-ah in report tur a ni a. Admit card leh Rally notification-a document tarlan te kha ken vek tur a ni.

Shortlisted candidates te hian 1.6 Km tlan, basic physical fitness test bakah physical measurements leh medical examination te Rajiv Gandhi Stadium-ah hian an neih nghal dawn a ni.

Shortlisted candidates Admit card la dawng lo te chuan Army Recruiting Office, Aizawl a ngaihven tur a ni ang.

He Sipai lak runpui chungchanga thil hriatchian zawk duh te chuan he Army official website www.joinindianarmy.in hi lo tlawh ngei tura hriattir an ni a. He website-ah hian shortlisted candidates te,admit card download tur te, Rally ni-a ken tur document pawimawh  chungchang te a awm a ni.