KAWNGPUI HIM LEH ṬHA NEIH HI KHUA LEH TUI CHANVO A NI

#ZONEWS #ARTICLE August 02, 2025:
Supreme Court chuan thu tlukna chhinchhiah tlak (landmark ruling) tun kar Nilaini ( July 30, 2025) khan a siam. He thu tlukna pawimawh tak India Constitution Article 21 in a sawi Fundamental Right to Life in a sawi zingah ‘Khua leh tuite hian motor kawngpui (motorable road) him leh ṭha taka enkawl neih an chanvo a ni a, chumi enkawl ṭhat chu State (Union Government) mawhphurhna a ni. (well-maintained and motorable roads is an essential component of the fundamental Right to Life under Article 21 of the Constitution)

Supreme Court chuan he thu tlukna a puan hian State (Sorkar laipui ) mipuite laka mawhphurhna a hlen (constitutional obligation of the State) a ni. Supreme Court chuan khua leh tuite chanvo vantlang hmasawnna ruhrel ṭha leh him a bikin kawngpui – chet velna atan pawimawh leh sum leh pawi thawh chhuahna atan ṭul hi an chanvo a ni a, he an chanvo hi State a chhuhsak tur a ni lo (citizens cannot be deprived of safe public infrastructure, especially roads that are vital for mobility, dignity and economic access).

He thu buai ngaihtuah tur hian Supreme Court Justice pahnih te awmna Bench – Justice JB Pardiwala leh Justice R Mahadevan te awmna chuan Madhya Pradesh High Court-in thu tlukna a lo siam tawh chu Umri Pooph Pratappur Tollways Pvt Ltd hian kawngpui siam hna thawh laia hriatthiamna (road construction concession) chu Madhya Pradesh arbitration tribunal thu hnuaia awm (exclusive jurisdiction) a ni tih High Court hian a ti. He thu buai hian Madhya Pradesh chhung 43.775km a thuia kawngpui siam ṭhat hna (the case involved a build, operate and transfer, toll plus annuity project) UPP Tollways in an thawh chungchang a huam a. Supreme Court hian thu neihna huam chin chungchang leh kawng ṭha leh him chungchang pawh a ngaihtuah tel ta a ni.

Supreme Court chuan State (Union Government) kawngpui ṭha siam hi a mawhphurhna a ni a, vantlang himna hi eng thil mah chhuanlam siam a thleng tur a ni lo. “Ram chhung khawii lai pawh kal leh tlawh ( the right to access any part of the country) theih a ni a, thil ṭhenkhatah erawh chuan humhalh leh khapna lek kawh ngai a awm thung, hei hi Article 19(1)(g) fundamental right in a sawi hian a huam a, Kawng him leh ṭha taka enkawl leh motor kal theihn kawngpui hi Article 21 hian a huam a, chu chu State (Central Sorkar) lmawhphurhna a ni a, an thu hnuaia awm ṭe chu ( the right to safe, well-maintained, and motorable roads is recognised under Article 21, it is the responsibility of the State to develop and maintain roads under its control,”) Supreme bench chuan a ti.

Note :

Constitution in State tia a sawi hi Union of State – Central Government a tihna a ni a, state pakhat emaw a aia tam emaw sawi a ṭul chuan an state hming sawi lan a ni ṭhin.

Source: IndiaLegallive.com. via Huna Kawlvawm