Kawnpui to Durtlang road a lirthei tlan dan tur chungchanga Kolasib SP thuchhuak

#ZONEWS Kolasib August 03, 2025: Nizan khan Pu David H Lalthangliana, Kolasib SP chuan Mizoram State sawrkar Notification No. B. 12021/10/2004-TRP dt.01.06.2020 leh Section 115 of Motor Vehicle Act 1988 (Act No. 59 of 1988)-in thuneihna a pek angin a hnuai a mi ang hian thupek a tichhuak.

Kawnpui to Durtlang road hi 407 lirthei chin hnuailam tan tlan phal ani a, nimahsela 407 lirthei bik te chu zan dar 10:00 PM atanga a tuk zing dar 5:00 AM thleng chauh hemi kawng hi zawh phalsak an ni. 

He thupek hi he thu chhuah ni atanga thla khat chhung, ni. 2.09.2025 thleng ken kawh tur a ni a, a zawm lo chu section 179 MV Act hmanga hrem an ni ang. He thupek hian tul bik thila Police, Fire Dept., Ambulance leh Magistrate-te chet velna a huam lo ang.

He thuchhuah chungchanga harsatna tawk emaw report neite emaw chuan Officer In-Charge, Kawnpui Police Station (Ph. No. 9366352665) ah biak theih reng a ni e.