Kawnpui to Sairang Road chhe zual lai thawm that hna an zo dawn hnai

#ZONEWS Aizawl August 08, 2025 : Kawnpui to Sairang NH-06 thawm that hna thawh mekah a chhe nasa lai ber leh khawih harsa lai ber ni a ngaih Zoram Mega Food Park, Khamrang bul kawngpui chu nimin khan siam a ni a, a chhe lai hi metre 100 vel niin vawiin chawhnu dar 2:00 thleng khan metre 80 chu boulder a hnawhkhah a ni tawh a, vawiin hian zawhfel vek hman beisei a ni. Excavator 2, Vibratory Roller 1 leh Grader 1 hmanga hna thawh a ni a, kawngpui sir tawn tawnah tuihawk luankawr (side drain) tha taka hai a ni bawk ang.

Kawngpui thawm that hna thawktu NHIDCL ten Kawnpui to Sairang road ah One Way a motor tlan tir an in huam tawh ang in, nizan dt.7.08.2025 6:00 PM atangin Essential Commodities phur bak ah 6 & 10 wheelers HMV chhuah an ni.