Khawzawl District Hospital-ah “Patient Attendent Shelter” sak tum

#ZONEWS July 18, 2025: Vawiin chawhma dar 11 khan UD&PA bultumin DAY-NULM “City Level Executive Committee” Khawzawl Bawrhsap Pu K. Vanlalthiana hovin an thukhawm a, District Hospital-a “Patient Attendent Shelter” sak dan tur an sawiho.

Meeting-ah hian UD&PA Department hnuaia “Patient Attendent Shelter” Khawzawl District Hospital-a sak tur chungchang sawi ho a ni a. Hna tan hi rem tawh vangin hun remchang hmasa bera hna thawk tan tura rel a ni. Patient Attendent Shelter-ah hian khum leh choka bungbel te awm sa vek tura ruahman a ni. Khawzawl District Hospital a damlo chhungte belh tur neilo tan tangkai taka hman tura duan a ni a, Patient Attendent Shelter sak turah hian “Shelter Management Committee” pawh din nghal a ni.

He hunah hian City Level Executive Committee member te kim takin an tel a ni.