Khawzawlah Multi – Speciality Clinic hawn tum a ni

#ZONEWS Khawzawl, dated 21st August 2025: Vawiin tlai dar 3 khan DC chamber Khawzawlah IMA Muiti-speciality Clinic Organising Committee te September ni 19, 2025 Khawzawl a Multi- Speciality Clinic hawn dan tur chungchang sawihovin an thukhawm a, Khawzawl Bawrhsap Pu K. Vanlalthiana’n a kaihruai.

Bawrhsap Pu K. Vanlalthiana chuan Multi- Speciality Clinic neih tur hi a hlawhtlin theih nan theihtawp chhuah a tulzia sawiin, a bikin mi thenkhat inentir tura khawpui pan harsa tak tak ten an chhawr tangkai ngei theih nan Organising Committee te thawhrim tlan a tul hle thu a sawi. Chubakah chuan Health Department lam ten hemi buaipuina tur atan mamawh an nei a nih chuan inthlahrung lova sawi zel turin a hrilh bawk.

Multi- Speciality Clinic neih turah hian Specialist Doctor te leh team member te an rawn kal nual dawn a, an riahna tur hi Health Department lamin an lo ngaihtuah ang. He mi chungchang meeting hi neih leh tur a ruahman a ni a, chutah chuan a hmun tur leh thil dang rel fel tur a ni.

He hunah hian IMA Multi-speciality Clinic Organising Committee te kim takin an tel a ni.