KOLASIB-AH TOWN CLEANLINESS COMPETITION KHARNA HUN HMAN A NI

#Zonews Kolasib December 1 2025: Vawiin chawhma khan Diakkawn YMA Hall, Kolasib-ah ‘Kolasib Town Cleanliness Competition’ kharna leh lawmman semna hun hman a ni a. He hun hi Kolasib Town Sanitation Task Force Chairman leh Kolasib Deputy Commissioner ni bawk Pu Robert C. Lalhmangaiha chuan a kaihruai.

Kolasib Bawrhsap Pu Robert C. Lalhmangaiha chuan kalkhawmte lawmna thu sawiin, Kolasib khawpui chhung vawng fai tura hmalakna hrang hrangah mipuite leh veng hrang hrangte thawhpuina a fakawm hle tih a sawi a. Faina inelna neih chuan inelna thianghlim leh hmasawnna a thlen ṭhin thu sawiin, lawmman dawngtute leh tel zawng zawngte a lawmpuina thu a hlan a ni.

Pu Robert C. Lalhmangaiha, DC leh Chairman, Kolasib Town Sanitation Task Force nibawk chuan faina chungchang ngaihtuah in a mawhphurhtute nen vawi tamtak an lo thutkhawm tawh thu a tarlang a. Faina chu mitin in kan mamawh a; faina chuan hriselna a keng tel a ni a ti a. Kan tui in te, kan chawei te, kan thawmhnaw inbel te leh kan chenna in leh a vel te pawh thianghlim taka kan vawn a, kan enkawl a pawimawh hle a ni a ti . Faina leh thianghlim na kawngah naupangte leh rawlthar te chu zirtir zel a pawimawh thu a tarlang a. Kan biak Pathian a thianghlim angin keini pawh kan thianghlim a pawimawh a, chu chu hre rengin kan nun chhuahpui a ngai hle a ni, a ti.

He hunah hian Kolasib Town Sanitation Task Force Member Secretary leh District Urban Development Officer (DUDO) ni bawk Pi Josephine Zonunsangi hnen aṭangin thusawi ngaihthlak a ni a. Competition neih chhung a endiktu (Judges) te hnen aṭangin report leh thusawi tawi ngaihthlak niin, an endik dan leh point pek dan tlangpui te an tarlang bawk.

Vawiin hun hmanah hian category hrang hranga ti ṭha te hnenah lawmman sem nghal a ni a. Category hrang hrang a lawmman pakhatna dawngtute chu heng te hi an ni:

Drivers (motor leh anmahni fai)

1. Lalchhanchhuaha (Machhana), Kawnpui Venglai, Truck Driver
2. Lalrinhlua(Terina), Khuangpuilam, Taxi Driver
3. Vanlaldika, Diakkawn, Sumo Driver
4. Lalinfela, Electric Veng, Auto Driver

2. Faina kawnga khawilang tana Mimal thawh hlawk te:

1st – Pu R. Lalchungnunga, Venglai Kolasib
2nd – Pu Lalsiamliana, Project Veng, Kolasib
3rd – Pu J. Lalthlamuana (Valtea), Diakkawn, Kolasib

3. Restaurant/Hotel/Tea Stall fai:

1st – Blue Door Restaurant, Banglakawn
2nd – Wok & Pan, Diakkawn
3rd – Shawarma Snacks, Project Veng

4. Bazaar fai:

1st – Hmar Veng Bazaar, Kolasib
2nd -Venglai Bazaar, Kolasib
3rd – Banglakawn Bazaar, Kolasib

5. Office fai:
1st – EE, Irrigation & Water Resource Department, Electric Veng
2nd – Krishi Vigyan Kendra, Vengthar
3rd – District Agriculture Office, Project Veng

6. High School & above:
1st – School of Nursing Thingdawl, Kolasib
2nd – DIET, Saidan
3rd – Thingdawl High School

7. Middle School:
1st – Govt. TS Luaia Middle School, Rengtekawn
2nd – Govt. Chawngfianga Middle School, Saidan
3rd – St. Maria Goretti’s School, Venglai

8. Primary School:
1st – Govt. Primary School-I
2nd – Govt. Primary School-Ill
3rd – Govt, Primary School-XI

9. Veng fai:
1st – Project Veng
2nd – Khuangpuilam
3rd – College Veng

Pu C Lianzuala, President, MUP Hqrs Kolasib in lawmthu sawina a neih hnuin vawiin hun hi tihtawp a ni.