Mizoram Bana Kaih (Handholding) scheme hnuaia Loan Assistant chungchangah thukhawm

#ZONEWS Hnahthial December 1, 2025: Vawiin khan DC Meeting Hall, Hnahthial-ah Addl. DC Pu Zothanmawia Khiangte kaihhruaiin ‘Mizoram Bana Kaih’ (Handholding) scheme hnuaia Loan Assistant, Hnahthial District chhunga pek tur chungchangah meeting neih a ni. Meeting-ah hian line department bakah bank hotute an tel a ni.

Meeting kaihruaitu Addl. DC Pu Zothanmawia Khiangte chuan an thu ngaihtuah chu sorkar flagship programme a nih avangin sorkar lam pawhin a ngaih pawimawh thu a sawi a. Tun dinhmunah Hnahthial District chhungah tihfel a la awm mang lo chu a chhan hriatchian nan thutkhawmna hi koh a nih thu leh sorkar chuan second phase kalpui a tum leh tawh avangin tihfel thuai a tul tawh thu a sawi a. State sorkar flagship programme a nih avangin loan la tur dangte aia kan ngaih pawimawh a tul a ni tiin bank lam chu a rang thei ang berin chingfel turin a chah nghal bawk a ni.

Mizoram Bana Kaih (handholding) Loan Assistant dawng tur hi Hnahthial District-ah mi sawm pasarih (17) thlan chhuah niin implementing deparment pali (4) – Commerce and Industries Department hnuaiah pasarih (7), Horticulture Department hnuaiah panga (5) , AH & Vety Department hnuaiah pali (4) leh Agriculture and Farmers Welfare Department hnuaiah pakhat (1) an awm a ni.

He hunah hian bank hotute pawhin loan pek theih loh (pending) an neih te a chhan an sawifiah nghal bawk a ni.