Lai Autonomous District Council a Protem Chairman atan MDC Pu Lalthanmawia Colney chu vawiin khan Additional DC, Lawngtlai Pu David Lalrinawma’n rinawmna tiamtirin a lalut.

#ZONEWS #POLITICS August 20, 2025:
Lai Autonomous District Council a Protem Chairman atan MDC Pu Lalthanmawia Colney chu vawiin khan Additional DC, Lawngtlai Pu David Lalrinawma’n rinawmna tiamtirin a lalut.

Protem Chairman lakluhna hi Additional DC Chamber ah neih niin, United Democratic Alliance a MDC leh mipawimawh dangte an tel a ni.

LADC a Pu N.Zangura kaihhruai, United Democratic Alliance sorkar an pian chhoh hnuah hian Chairman Pu T Zakunga leh Deputy Chairman C Biakthansangi te chuan nimin khan banna an thehlut a, hemi hnu hian CEM rawtna pawmpuiin Governor chuan Protem Chairman atan Pu Lalthanmawia Colney a ruat a, Protem Chairman kaihhruaina hnuaiah Zirtawpni August 22, 2025 khian LADC Session ah Chairman thar thlan tum a ni.

Ruahman lawk ang chuan Zirtawpni ah Chairman thar thlan zawh, chawhnu lam ah CEM Pu N.Zangura’n thlawptu a neihdan House ah fiah tum a ni.