LAWNGTLAIAH CITIZEN CARE-GRIEVANCE REDRESSAL DAY/KHUA LEH TUITE NGAIHSAK-HARSATNA CHINFEL NI HMAN A NI

#ZONEWS Lawngtlai August 20, 2025 : Deputy Commissioner’s Office, Lawngtlai District bultuma ‘Citizen Care- Grievance Redressal Day’ (Khua leh tuite Ngaihsak-Harsatna Chinfel Ni) hman lo nitawh thin chu vawiin khan DC Conference Hall- ah  hman leh  a ni a. Zing dar 10:30 AM atanga tlai lam dar 5:00 PM  thlengin sawrkar department hrang hrangte chu mipuite dawr theihin an inpho chhuak a ni.

Khua leh tuite Ngaihsak-Harsatna Chinfel Ni’ puala hun hmannaah    hian sawrkar Department 13- Deputy Commissioner ‘ Office, Superintendent of Police (SP), Project Director ( DRDO),  Executive Engineer (PHED), Executive Engineer (P&E), District Research Officer (DRO), Chief Medical Officer (CMO), District Civil Supplies Officer (DCSO),District Education Officer (DEO), Election Officer (EO), District Transport Officer (DTO), Deputy Commissioner of State Taxes, leh  Lead Bank Manager (SBI)   te chu mipuite dawr theih turin dawhkan hrang hrangah an inpho chhuak a ni.

‘Khua leh tuite Ngaihsak-Harsatna Chinfel Ni’ hman tawhah mipuiten  hlutin an ngaipawimawh hle a, mi thahnem takin department hrang hrang inpho chhuak te hi dawrin, harsatna an neih ang angte an thlen nghal thin a. Vawiina DC Conference Hall- a hun hmanna pawh hi mipuiten hlutin an ngaipawimawh hle a;  mi thahnem takin sawrkar department hrang hrang inpho chhuakte hi dawrin an harsatnate an thlen nghal a, hlawk thlak an tih thu an tarlang bawk.