Lunglei Additional District Magistrate-in halpuah lam chi khapna thupek a chhuah

#ZONEWS Lunglei December 5, 2025: Lunglei District mipuite’n boruak ralmuang tak hnuaiah kum 2025 Krismas leh kum 2026 Kumthar an hman theih nan boruak thianghlim lo leh bengchheng siam thei halmawi leh halpuah, kangmei tichhuak palh thei hal-thlawh (sky lantern) leh plastic mu kap chhuak thei chi silai lem te khap ṭula hriat a nih avangin, vawiin, December ni 5, 2025 khan Lunglei Additional District Magistrate Pi Zoramdini chuan Section 163 of Bharatiya Nagarik Suraksha Sanhita (BNSS), 2023 tlawh chhanin a hnuaia mi ang hian thupek a chhuah:

“Lunglei District huam chhungah kum 2025 Krismas leh kum 2026 Kumthar vuakvetah halpuah, halmawi, sky lantern leh silai lem (plastic mu kap chhuak thei chi) te lak luh, zawrh, hralh, hal leh hman khap tlat a ni.

“He thupek hian chhuah a nih aṭanga ni 60 (sawmruk) chhung a huam ang a, thupek zawm lote chu Section 223, Bharatiya Nyaya Sanhita (BNS), 2023 hmangin hrem theih an ni.”