Lungleiah boruak muanawm tak hnuaia Krismas 2025 leh Kumthar 2026 hman a nih theih nana ruahmanna sawi ho a ni

#ZONEWS Lunglei December 5, 2025: Vawiin khan Lungleia kum 2025 Krismas leh 2026 Kumthar vuakveta boruak muanawm tak a awm theih nana hma lak dan tur hrang hrang ngaihtuahin sawrkar official-te leh pawl hrang hrang ai awhte chu Additional Deputy Commissioner Pi Zoramdini hovin Lunglei DC Confenrence Hall-ah an ṭhu khawm.

He hunah hian boruak muanawm tak hnuaia Krismas leh Kumthar hman a nih theih nana kum 2024-a Bawrhsap hova ruahmanna siam bawhzui dan thlir ho niin, Additional Superintendent of Police Pu K. Beihmotaosa leh Sub-Headquarters YMA President Pu K. Lalfakzuala te bakah, Excise & Narcotics Department, Traffic Police leh VDP Coordination Committee aṭang te’n an hma lak dan report ngaihthlak a ni a. Kumin hma lak dan tur rawtna hrang hrang sawi ho a ni bawk.

Kumin Krismas leh Kumthar vuakvetah hian Lunglei District chhungah ruihtheihthil leh puak thei lam chi hman leh hal khap niin, khauh taka kenkawh tum a ni a. Sualna hrang hrang do tur leh boruak muanawm tak a awm theih nan police leh tlawmngai pawlte chu ralvengin an awm dawn a, dan bawhchhia an awm chuan dan anga hrem zel an ni dawn a. Hunpui laia boruak muanawm a awm theih nana ruahmanna hrang hrangte ṭha taka zawm a, thuneitute thawhpui turin District thuneitute chuan Lunglei District mipuite an ngen a ni.