Lungleiah kum 2025 Independence Day hman dan thlir let a ni

#ZONEWS Lunglei August 28, 2025: Vawiin khan Lunglei District Independence Day Celebration Committee chu an Chairman, District Bawrhsap Pi Navneet Mann hovin Lunglei DC Conference Hall-ah an ṭhu  khawm a, kum 2025 Independence Day hman dan an thlir let.

Chairman Pi Navneet Mann chuan Lungleiah tluang tak leh hlawhtling taka Independence Day hman zawh a ni chu lawmawm a tih thu sawiin, committee-in mawhphurhna hrang hrang a pekte’n ṭha taka an chanvo leh mawhphurhna an hlen chhuah avangin lawm thu a sawi a. Independence Day hlawhtlin nana sum leh tha thawhtu – sawrkar department hrang hrang leh institution hrang hrangte, Lunglei Municipal Council (LMC) te, sikul naupang leh zirtirtute, Scouts & Guides te, local council te, MJA, Akashvani leh Cable TV te, tlawmngai pawl hrang hrang, kohhran, sport discipline hrang hrang leh mipuite chungah lawm thu a sawi.

He hunah hian department hrang hrang leh zirna in ai awhte, pawl hrang hrang leh kohhran ai awhte an tel a. Kal khawmte chuan Lungleia Independence Day 2025 hman dan chu hlawhtling leh felfai thawkhat an tih thu sawiin, a buatsaih dana ṭha leh zawngchhang tlak nia an hriat te, hma lam huna felfai leh hlawhtling zawka ram ni pawimawh hman a nih zel theih nana rawtna hrang hrangte an sawi ho va. Independence Day 2025 lawmna atana office hrang hrang aṭanga sum thawh khawm dan leh hman chhuah dan thlir ho niin, ram ni pawimawh hmanna senso atana department hrang hrang sum thawh khawm bakah DC office-in sum tam tak a sen belh a ngaih ṭhin avangin leh indaihzai zawka sum hman tur a awm theih nan kum 2026 Republic Day aṭang chuan department-te sum thawh zat chu tihpun deuh theih ni se, tih a ni.

Lungleiah kum 2025 Independence Day hman dan thlir let a ni

1874/2025-2026

Lunglei, 2025 Thlazing ni 28: Vawiin khan Lunglei District Independence Day Celebration Committee chu an Chairman, District Bawrhsap Pi Navneet Mann hovin Lunglei DC Conference Hall-ah an ṭhu  khawm a, kum 2025 Independence Day hman dan an thlir let.

Chairman Pi Navneet Mann chuan Lungleiah tluang tak leh hlawhtling taka Independence Day hman zawh a ni chu lawmawm a tih thu sawiin, committee-in mawhphurhna hrang hrang a pekte’n ṭha taka an chanvo leh mawhphurhna an hlen chhuah avangin lawm thu a sawi a. Independence Day hlawhtlin nana sum leh tha thawhtu – sawrkar department hrang hrang leh institution hrang hrangte, Lunglei Municipal Council (LMC) te, sikul naupang leh zirtirtute, Scouts & Guides te, local council te, MJA, Akashvani leh Cable TV te, tlawmngai pawl hrang hrang, kohhran, sport discipline hrang hrang leh mipuite chungah lawm thu a sawi.

He hunah hian department hrang hrang leh zirna in ai awhte, pawl hrang hrang leh kohhran ai awhte an tel a. Kal khawmte chuan Lungleia Independence Day 2025 hman dan chu hlawhtling leh felfai thawkhat an tih thu sawiin, a buatsaih dana ṭha leh zawngchhang tlak nia an hriat te, hma lam huna felfai leh hlawhtling zawka ram ni pawimawh hman a nih zel theih nana rawtna hrang hrangte an sawi ho va. Independence Day 2025 lawmna atana office hrang hrang aṭanga sum thawh khawm dan leh hman chhuah dan thlir ho niin, ram ni pawimawh hmanna senso atana department hrang hrang sum thawh khawm bakah DC office-in sum tam tak a sen belh a ngaih ṭhin avangin leh indaihzai zawka sum hman tur a awm theih nan kum 2026 Republic Day aṭang chuan department-te sum thawh zat chu tihpun deuh theih ni se, tih a ni.