MAMIT-AH NATIONAL DEWORMING DAY HAWNNA HUN HMAN A NI

#ZONEWS Mamit August 11, 2025 : Vawiin khan India ramchhung hmundangte rualin Mamit Middle III ah National Deworming Day hman a ni a, Pu K.Lalnunfela, District Education Officer, Mamit District chuan khuallian niin a hmanpui.

Pu K.Lalnunfela chuan mihring hrisello tan chuan engtih mah a chakawm lohin a nuamlo thin a, chuvangin zirlai naupangte phei chuan kan hriselna kan ngaipawimawh tur a ni a ti. Sawrkar laipui chuan naupang kum 1 atang kum 19 inkar hriselna ngaipawimawh em avangin rulhlut laka an him theih nan rulhluthlo pek thin an ni chu tha taka ei tura chahin, vawiinah eilo an thiante pawh damdawi ei ngei tura kawhhmuh leh zirtirtu ni turin a chah bawk.

Dr.Thanmawii, Dy CMO chuan Rulhlut in taksa a bu a khuar dante, taksa a ngawng thalo a neih dan leh Rulhlut chi hrang hrang awmte a tarlang a, vawiin-a rulhluthlo ei hmanlo te tan pawh 18 August-ah ei leh theih a nih dawn thu a sawi.

Vawiin hian Pi Elloy Zonunpari, DPM kaihruaina-in khuallian leh Officials te leh zirlai naupangte’n rulhluthlo hi an ei nghal a ni.

He hun hi Pu Dominic Lalnunhlua, UDC ( WCD) chuan kaihruaiin zirlai naupangte hnenah kut silfai dan a taka zirtirna neih a ni a, Pu Lalramchhana Hnamte, District Coordinator chuan lawmthusawina a nei bawk.