AIZAWL DC-IN PHALNA NEI LOVA PETROL LEH DIESEL ZAWRH KHAPNA THUPEK A CHHUAH
#ZONEWS Aizawl, the 11th August, 2025: Awlsam taka kangmei tichhuak thei a nih avang hian petrol leh diesel te hi mahni remhriat dana lo dah that a, zawrh hi a him lo em em a. Fimkhur tawk loh vangin kangmei nasa tak tichhuakin nunna hial chan theihna khawpa hlauhawm a ni. Phalna neilova petrol leh diesel kan zawrh chuan Section 5 & 6 of the Mizoram Motor Spirit and High Speed Diesel (Prevention of Malpractices in Supply and Distribution) Order, 1992 kan bawhchhia tihna a ni.
Pu Er. Lalhriatpuia, District Magistrate, Aizawl District chuan dan ang taka petrol leh diesel hralh a lo nih theihna tur leh mipuite kan lo him tlan zawk nan Section 163, BNSS 2023 in thuneihna a pek angin a hnuaia thupek a chhuah.
“Mi tumahin Aizawl District huamchhungah phalna nei lovin Petrol leh Diesel an zuarin an hralh tur a ni lo.”
He khapna thupek zawm lo te chu an petrol/diesel man sak an nih dawn bäkah Section 223 BNS 2023 hmangin an chungah hremna lek a ni ang. He thupek hi chhuah a nih atangin thla hnih (2 months) chhung a huam ang.
He thupek hi vawiin Dt. 8.8.2025 hian District Magistrate Seal-a nemnghetin hming a ziah hnan.
Discover more from Zonews
Subscribe to get the latest posts sent to your email.
