Mamit District chhung Dapchhuah leh Mamit inkar kawng (NH-44A/108) lirthei kal dan tur chungchangaah SP Mamit chuan thupek a chhuah.

#ZONEWS Mamit July 25, 2025 Zirtawpni: Mamit District chhung Dapchhuah leh Mamit inkar kawng (NH-44A/108) chu tun hnaia ruah sur nasa avangin hmun tam takah lei a min a. Heng leimin te hi thenfai hna thawh mek anih avangin he lai kawnga lirthei tlan dan tur ruahmanna siam a ngai a hriat a ni a.

Chuvangin, Pu Manny Bhushan Singh, IPS, Superintendent of Police, Mamit District chuan Motor Vehicles Act, 1988 (Act 59 of 1988) Section 115 leh Mizoram Sawrkar Notification No. B.12021/10/2004-TRP Dt. 01.06.2020 in thuneihna a pek angin Mamit District chhung Dapchhuah leh Mamit inkar kawng (NH-44A/108) a lirthei tlan dan tur hetiang hian thupek a chhuah.

08:00 PM – 09:00 AM: Lirthei tlan theih hun/Open for Traffic.

09:00 AM – 01:00 PM: Lirthei tlan theih loh hun/Closed for Traffic.

01:00 PM – 02:00 PM: Lirthei tlan theih hun/Open for Traffic.

02:00 PM – 04:00 PM: Lirthei tlan theih loh hun/Closed for Traffic.

04:00 PM – 05:00 PM: Lirthei tlan theih hun/Open for Traffic.

05:00 PM – 08:00 PM: Lirthei tlan theih loh hun/Closed for Traffic.

He thupek hian Dt.28.7.2025(Thawhtanni) atanga Dt.10.8.2025(Pathianni) thleng a huam ang. He thupek hian dan leh thupek kengkawh tute leh damlo phur motor te a huam lovang. Thupek hi a tul dan azir a ennawn leh theih a ni bawk ang.

Mipui te himna tur leh kawngpui tha zawk kan neihna tur atana thupek hi ngaipawimawh theuh turin mipuite kan inngenin kan inhriattir a. Thupek zawmlo te chu 179 MV Act hmanga hrem an ni ang.