Mizo Zirlai Pawl Darlawn Thuchhuah “Education Minister in a enkawl Department hre chianglo in thu a sawi”

#ZONEWS July 14, 2025: Ni 11.7.2025 (Zirtawpni) a School Education Minister Dr Vanlalthlana’n Press mi te a kawmnaah thu tling tawk lo leh thil nihna dik tak hre si lo in tawngkam a chhakchhuak ta mai chu MZP Hqrs. Darlawn chuan pawi an tih thu te, Minister meuh in hriattirna dik leh diklo a nih pawh thlu lo a, thutlukna Press mite hma a atarlang ta mai hi hriatthiam harsa an ti a, thu dik tawklo a sawi hrang hrang te hetiang hian Zoram mipui hriatah an sawi fiah.“Zirtirtu zat kan hmu a, kan sawn a hi awm lo ta pawh ni se, nichin a ka sawi ang khan Zirtirtute hi an indaih a ni” a tih chu Arts subject bikah Zirtirtu indaih loh na a hriatpui loh thu leh Casual teacher Pi C Vanlalzawmi lakchhuah a nih hnuah hian Zirtirtu hlawh atang te in hnmeichhe pakhat chhawr belh a nih thu pawh a hre lo chu MZP Hqrs. Darlawn chuan pawi an tih thu an tarlang.

“Zirtirtu pakhatin MZP a lo dawr a, a hnathawh thin te leh indaihlo anga a sawi avangin tunah hian harsatna kan tawk a ni” ti a a sawi chu thu dik tawklo a nih thu MZP Hqrs Darlawn chuan an sawi a, Casual teacher Pi C. Vanlalzawmi tranfer a nih thu hi Zirlai nu leh pa ka atanga an hriat thu te, Pi C Vanlalzawmi avang hian Zirlai nu leh pa ten an fate zirtirna tha zawk an dawng ni a an hriat thu te, an fa te zir nan a Private School thlang lo a Sawrkar school an thlan chhan a nih thu te MZP Hqrs. Darlawn hnenah tawngka in an thlen a, MZP Hqrs. Darlawn chuan “Zirtirtu pakhatin MZP Hqrs. Darlawn a dawr loh thu” hi chiang takin an sawi bawk a ni. Minister meuhin sir khat lam atang chiah a thu a dawn chu Zoram pum huap a apuangchuak ta mai hi MZP Hqrs. Darlawn chuan pawi anti a, sir tawn tawn atanga thu la hmasa a thutlukna siam thin tawh turin Minister hi an ngen bawk a ni.

Zoram pum hriat a Zirtirtute vauna tawngkam School Education Minister ka atanga chhakchhuah a ni ta mai hi a pawi an tih thu te, Govt. Darlawn High School-in result tha tak Zirlai ten an neih ve theih nan a a thim a var thlu lo a Zirtirna lo pe tawh thin tute leh Zirlaite an fa ang mai a hmanagaih taka lo enkawl tawh thintu Zirtirtute hmaah hian MZP Hqrs. Darlawn chu a ding zel dawn tih an sawi a, MZP Hqrs. Darlawn chuan Darlawn khawchhunga Zirlaite leh Zirna In in harsatna a tawk anih chuan Sawrkarah palai hna thawk zel tura an inpeih thu leh Zirlai Pawl chu Zirlaite tana ding annih thu te an tarlang bawk.

Sd/-
Reuben Lalnunpuia
Secretary
MZP Hqrs. Darlawn

#zonews #mzp #darlawn