MIZORAM HIGHER SECONDARY SCHOOL GAMES VAWI 22-NA KHAR A NI

#ZONEWS Mizoram December 5, 2025 : Vawiin khan School Education Department buatsaiha neih Mizoram Higher Secondary School Games vawi 22 –na chu Dawrpui Multipurpose Centre, Piputlang, Aizawl-ah khar a ni a, Pu Zohmingthanga, Additional Director, School Education-in khuallian niin a hmanpui.

Khuallian Pu Zohmingthanga chuan zirnain a ken tel infiamna hi zirna huangah a pawimawh em em a, zirna leh infiamna chu then hran theih loh, inchawih tawka kalpui tul a nih avangin school naupangten  rilru leh taksa hrisel an neih theih nan  hunbi neiin infiamna hun hi neih a tul thin, a ti a. Kan ramah ruihhlo a hluarin heng lakah hian zirlaite inthiarfihlima infiamna lam tuichilh tura fuihin, chhungkua, khawtlang leh ram tana innghahna tlak ni tura an thiltihna apiangah theihtawp chhuah turin a fuih bawk.

Ni 4 chhung awh Higher Secondary School Games vawi 22-naah hian  Sports Discipline hrang hrang – Athletics, Football, Volleyball, Taekwondo, Inkawibah, inhruipawh leh Kalchhet-ahte zirlaite inelin discipline hrang hrang hi khelmual  hrang hrangah nghah a ni a. A pumpuiah Govt. Mizo Higher Secondary School, Aizawl chu Gold medal pariat(8), Silver pasarih (7), Bronze pathum (3) a vaiin medal sawmpariat (18) lain Pakhatna an ni a, Gold medal pali (4), Silver pakhat(1), Bronze pariat (8)  a vaia medal Sawmpathum(13)latu Govt. GM Higher Secondary School, Champhai chu Pahnihna  niin Pathumna chu, Govt. Mamawii Higher Secondary School, Aizawl an ni a, Gold medal pali(4), Silver pakhat(1) leh Bronze pakhat (1) a vaiin medal 6 an la a ni.

Result kimchang hetiangin:

ATHLETICS(BOYS)

Team Champion: Govt. Mamawii  HSS               Gold-4                   Total: 4

Runner Up:          Govt. GM. HSS, Champhai   Gold-1,            Govt. Saitual HSS  Gold-1, 

                               Govt. Zembawk HSS Gold-1

Third:                   Govt. Mizo HSS, Aizawl  Silver: 3  Bronze:1  Total: 4

Mipa Best Athlete chu Lalmuanpuia, Govt. Mamawii HSS, Aizawl niin  Gold 4 a la a ni.

ATHLETICS(GIRLS)

Team Champion: Baptist HSS, Serkawn :   Gold-3  Total: 3

Runner Up: Govt. Mizo HSS, Aizawl:        Gold-2  Silver:2   Bronze-1  Total:5

Third: Govt. GM HSS, Champhai  Gold: 1  Bronze:4  Total: 5

Hmeichhe Best Athlete chu C. Lalnunsangi, Baptist HSS, Serkawn niin Gold 3 a la a ni.

FOOTBALL(Boys)

1.Govt. Chaltlang HSS, Aizawl

2. Govt. Central HSS, Aizawl

3.Govt. C.Z. HSS, Kolasib 

INKAWIBAH(Girls)

1.Govt. GM HSS, Champhai

2. Govt. Saitual HSS

3. Khawzawl  HSS 

KALCHHET(Boys)

1.Khawzawl HSS

2. Public HSS, Aizawl

3. Govt. Saitual  HSS 

INHRUIPAWH(Boys & Girls Mixed)

1.Govt. Mamit HSS         2. Govt. GM HSS, Champhai    3. Govt. Chaltlang  HSS, Aizawl 

TAEKWONDO (BOYS)

1. Govt. Mizo HSS, Aizawl                 Gold:3        Silver:1        Total:4

2. Govt. Republic HSS, Aizawl          Gold:1        Silver: 1      Bronze-1     Total: 3

3. Modern English HSS, Aizawl         Gold:1        Bronze:1      Total:2 

 TAEKWONDO (GIRLS)

1. Govt. Mizo HSS, Aizawl                Gold:3        Silver:1        Bronze:1     Total:5

2. Govt. Republic HSS, Aizawl          Gold:2        Bronze: 1    Total: 3

3. Modern English HSS, Aizawl         Silver:3       Bronze:1      Total:4 

VOLLEYBALL(Boys)

1. Govt. GM HSS, Champhai

2. Govt. KM HSS, Aizawl  

3. Govt. Leitlangpui HSS, Lunglei 

VOLLEYBALL(Girls)

1. Govt. Central HSS, Aizawl

2. Synod HSS, Aizawl

3. Khawzawl HSS

Mizoram Higher Secondary School Games vawi 22 –naah hian Aizawl khawpui pawn Higher Secondary School 16 atang leh Aizawl chhung Higher Secondary School 12 atangin  zirlai leh zirtirtu 1700 vel an tel a ni.