Mizoram legislative assembly fur thutkhawm hun hman dan tur duangtu Business Advisory Committee (BAC) chu August ni 6, 2025 khian an thukhawm dawn.

#ZONEWS August 01, 2025: Tun thla ni 27 atanga tan tur Mizoram legislative assembly fur thutkhawm hun hman dan tur duangtu Business Advisory Committee (BAC) chu kar leh Nilaini, August ni 6 khian an thukhawm ang.

Assembly Secretariat atanga thu dawn danin sorkar atangin dan siam thar tur emaw dan dinglai siamthat tur rawtna emaw engzat nge lo lut dawn a la hriat theih rih loh a. BAC thutkhawm hunah chuan a tlangpui hriat theih tawh tura ngaih a ni. Environment, Forests & Climate Change atangin official resolution putluh tur pakhat a luh tawh thu dawn a ni. Puan tawh angin larsap Gen. Vijay Kumar Singh chuan state legislative assembly fur thutkhawm hi August ni 27 atanga tan turin a ko a. Assembly speaker Pu Lalbiakzama kaihhruai, legislature party hrang hrang aiawhte telna BAC hian assembly inkhawm rei zawng tur leh hun hman dan tlangpui a duang dawn a ni.

Tuna assembly fur thutkhawm lo awm tur hi assembly 9-na vawi 5 thutkhawmna tur a ni.