MLA PU ROBERT ROMAWIA ROYTE CHUAN AIZAWL BIBLE COLLEGE FOUNDATION DAY A HMANPUI.

#ZONEWS July 28, 2025: Vawiin hian Aizawl Bible College chuan an Foundation Day vawi 27-na Dawrpui Multipurpose Hall-ah an hmang a. MLA Pu Robert Romawia Royte chuan Khuallian niin a hmanpui a, ABC Board leh College Zirtirtute leh zirlaite Foundation Day duhsakna chibai a buk a ni.

He Function-a Khuallian Pu Robert Romawia Royte MLA chuan Aizawl Bible College chu Assemblies of God kohhran tan mai nilo khawvel hmun hrang hranga Zofate tan a pawimawh a,India pawnlam atang pawha zirlai an tam avangin Zofate insuihkhawm nan pawh a tangkaiin a thawhhlawk hle a ni.Zirlaite fuihna thusawiin Pu Roberta chuan tumruh leh tum san a pawimawh a;lungawi hma lutuk avanga mahni thlen theih tur chin thleng pha lo an tam tihsawiin bul tan thaa,tawpna duhawm chang vek turin duhsakna a hlan a ni.

He function ah hian Dr CS Muanga Principal in inlawmna thu a sawi a, ABC Board Chairman Dr ZS Lala tepawhin thusawiin ABC Zaipawl leh Drama tawi te thlirho a ni bawk.

He Aizawl Bible College hi Tuikual North ah awmin B.Th zirlai 216 an awm mek a ni. Function ah hian Items hrang hrang neiin Tlaiah zanriah an kilho a ni.