MPSC HNA LAKNAA MIZO ENGINEER GRADUATE-TE (BE/B.TECH) HARSATNA – V. Lalhruaitluanga

Mizoram sawrkar hnuaia thawk tur (PHE,PWD,P&E, Transport adt.) MPSC hnuaia lak thinah Mizo Engineer Graduate-te’n a hnuaia mi ang hian harsatna an tawk chho mawlh mawlh mai a ni.

1. Kum kalta lamah P&E hnuaia Junior Engineer (JE) lakna turah Graduate
   (HSSLC + BTech/BE) exam phal sak an ni lo. (Diploma nei chiah an phal sak).

Thiamna ngai : HSLC with 3 years Diploma in Electric/Electronic/Mechanical engineering
Hnawl chhan : ‘At least’ emaw ‘and above’ emaw a awm loh vang
Thil mak : -Diploma hi HSSLC level a ni a, Diploma zo tawhin BE/B.Tech an zir thei (recruitment rules hi 2003 kum a mi a ni).

• 2014 – 2015 kumah Recruitment rules inang chiah hmangin BE/B.Tech hi MPSC kal tlangin lak an lo ni tawh.

1. Kum kalta vek khan PWD hnuaiah JE (Civil) hna ruak a awma, hetah pawh Degree nei hnawl vek an ni.
2. Kumin 2025 MPSC advertisement no. 14-a MVI (Motor Vehicle Inspector) ah pawh Graduate-te hnawla Diploma holder chauh lak tumna anga awm hi a mak hle. (Recruitment Rules 2006)

Thil mak : – 2014-ah khan MVI-ah hian Graduate an lo tling tawh a, Recruitment rules-a inang chiah.

A chunga kan tarlan bak pawh khi a dang sawi tur a awm nual.
A nghawng : Kum 2003 P&E Recruitment Rules-a thiamna ngai hi minimum qualification a ni tih 2014-2015 hna lak khan a ti chianga, 2006 MVI Recruitment rules pawh hi 2014 MVI hna lak khan minimum a ni tih a ti chiang bawk. Chuti ni lova Graduate Engineer an hnawl zel chuan zirlai an ti beidawng nasa lutuk. MPSC hian a hrethiam duh lo lui em ni?

BE/B.Tech hi a theihna apiangah chuan dan chah(block) vek an ni a, Mizoram sawrkar hian a hmusit hle nge niin a lang. Hetiang renga a kal chuan Mizo Zirlaite zingah mahni intihlum (Suicide) mai an awm ang tih te pawh a hlauhawm hle a ni.

BE/B.Tech an hnawl zel dawn chuan Mizoram Engineering College Pukpui te pawh saw eng atan mah tangkaina a nei dawn lo a, NIT Mizoram kan neih te pawh hi eng atan mah kan ti lo tihna a ni.

RAWTNA : Mizoram sawrkar hian department hrang hrang Recruitment Rules hlui leh tunlai tawh lo tam tak hi a ennawntu (study team emaw a dang emaw) a rang thei ang berin siam se, thlak danglam ngai chu thlak vat vat sela a duhawm hle

#zonews #tualchhung #mpsc