Ministry of Social & Justice Empowerment hnuai ami – Artificial Limbs Manufacturing Corporation of India (ALIMCO) chuan tunlai hian Mizoram hmun hrang hrangah Assesment Camp an nei mek.

#ZONEWS July 12, 2025: Ministry of Social & Justice Empowerment hnuai ami – Artificial Limbs Manufacturing Corporation of India (ALIMCO) chuan tunlai hian Mizoram hmun hrang hrangah Assesment Camp an nei mek.

Assesment Camp an neih mekah hian, kum 60 chin chunglam tan leh rualbanlo te tan hmanraw hrang hrang Folding wheelchair, commode leh tiang hrang hrang, kawnghren hlai, khup tuamna, Nghawng tuamna, bengdar leh wheelchair te an sem chhuak a ni.

Vawiin khan MUP Hqtrs. Lunglei Golden Jubilee chu Saikuti Hall-ah lawm niin, he hunah hian Social Welfare Deptt Lunglei nen tangkawpin kum 60 chin, a mamawh apiang te tan dilna an hawng a ni. Hmanraw semna hi Lunglei DC ruahmanna in Project Leap tih vuah a ni. Tanpuina dil tur te hi kum 60 chin an nih a ngai a, Adhar Card leh Income Certificate thil tel tur niin thla khatah Rs 15,000 aia tam lo lalut an nih a ngai bawk.

ALIMCO te hian Zoram Medical College & Hospital, Falkawn-ah Office neiin kum 2023 July atangin bungrua hi an sem tan a, 1300 vel sem tawh a ni. Assesment hi Khawzawlah neih tawh niin kumin April thlaah khan Lungleiah neih tawh a niin, a vaiin hamthatna dawngtu mi 742 an awm a ni.

Hma lakna neih tawh chinah kum 60 chin mi 687 leh Rualbanlo UDID card nei mi 54 an ni. June leh July khan Aizawl South 2 leh 3-ah assesment hi neih tawh niin, Lungleiah hian assesment tih nawn leh a ni a. Tunah hian Social Welfare deptt chuan an buaipui a ni.

#zonews #chanchinthar #tualchhung