MUHCS-ah mipui nawlpui tana inziah luh theih hun chu vawiin June ni 30 thleng hi hawn a ni.

Mizoram Universal Health Care Scheme (MUHCS) ah mipui nawlpui tana inziah luh theih hun chu vawiin June ni 30 thleng hi hawn a ni.

Online-a sum chawia inziahluh theihna hun hi June ni 30 thleng hawn mek a ni a, Inrinni leh vawiin chu sorkar chawlh a nih avangin offline a sub centre leh hmun danga inziahluh theih hun chu Zirtawpni khan a tawp a, online hmang erawhin vawiin thleng hun hawn a la ni.

April Ni 1 atanga MUHCS kalpui a nih atangin damlo Sing 1, Sang 2 leh 864 enkawl a ni tawh a, damlo enkawlna senso sorkarin a pek chhuah tawh chu chengVbc 15 leh Nuai 9 a tling tawh.

Hriat theih chinah June ni 24 thleng khan Mizoram Universal Health Care Scheme -a mi nawlpui sum chawia inziaklut chhungkaw 7,835 an awm tawh a, pensioner inziaklut 9,310 an awm bawk. MUHCS hian sorkara thawk nghet a huam bakah, provisional employee CSS leh Grant in-aid atanga hlawh la te pawh a huam a, sorkar laipui in health care scheme a duan Pradhan Mantri Jan Arogya Yojana (PM-JAY) beneficiary’s chhungkaw Nuai 2, Sing 1 Sang 9 leh 72 an awm mek a, hemi hnuaia inziaklut te chu MUHCS hnuaiah inziahluh ve kher a ngai lo a ni.

#AirnewsAizawl
#zonews
#chanchinthar
#tualchhung