MYANMAR THALAI MI 10- A MI 4 TE CHUAN AN RAM CHHUAH SAN AN DUH.

#ZONEWS August 14, 2025: United Nations Development Programme ( UNDP) chuan Myanmar thalai mi 10 zinga mi 4 zelte chuan an ram chhuahsan an duh niin an tarlang.

UNDP chuan 2024 kum khan Myanmar thalai mi 7000 chuang te chu kawmna an neih atanga an report hi an siam a ni a, Myanmar thalai 40% te chuan an ram chhuahsanna hun remchang an hmuh chuan Myanmar rama awm an peih tawh lo a ni. A chhan chu Myanmar tualchhung buainain a nghawng hna thawh tur a vang a, ei leh bar zawn kawngah harsatna chi hrang hrang an tawh vang a ni. Tin, Military Council-in sipaia tan luih tirna dan ( Peoples Military Service Law) a hman vang leh mihring dikna chanvo in palzutna a nasat vang niin a lang a ni.

2021 kum tira Myanmar Army ten thuneihna an lak hnu hian Myanmar thalai 55% te rilru leh ngaihtuahna hi kawng dik lo lam an zawh mek nia hriat a ni a, Myanmar thalai mi nuai 5 chuangin an in leh lo an chhuah san tawh niin an chhut a, Rakhain State ah 60%, Yangon Region ah 51%, Chin state ah 48%, Pegu region ah 46.2%, Mon state ah 42.1%, Magwe region ah 39.9%, Karen state ah 38.8%, Irrawady region ah 34.6%, Mandalay region ah 31.7%, Neypyidaw Council, Shan State, Kaya state leh Kachin State leh Sagain region ah te thalai 36% ten an in leh lo chhuahsan tawh tih UNDP chuan a sawi a ni.