PM-KISAN HNUAIA DIRECT BENEFIT TRANSFER SCHEME SEM NA HUN KVK KOLASIB ATANGIN VIDEO CONFERENCE HMANGA CHHIM VE A NI

#ZONEWS Kolasib August 02, 2025: Vawiin chawhma khan India ram Prime Minister , Pu Narendra Modi chuan Kuthnathawktute tuamhlawmna Scheme pui ber PM KISAN hnuaia hamthatna pawisa dawng thei tur  mi  vaibelchhe 9 leh nuai 70 hnenah Direct Benefit Transfer hmangin, Varanasi, Uttar Pradesh atangin cheng vaibelchhe singhnih leh zanga  a sem chhuak a.

He scheme hi kum 2019 atanga bul tan niin, tun tuma a sem chhuah hi a vawi 20 na a ni. Khawvel a kuthnathawktute hamthatna tur DBT hmang Digital Marvel lian ber a ni a, he scheme-a in ziaklut te chuan thla li danah Rs. 2000/- theuhin kum khatah Rs. 6000/- an account ah Direct Benefit Transfer (BDT) hmangin an dawng thin a ni.

Kolasib District ah chuan KVK Kolasib bultumin he hun hi KVK Kolasib Training Hall ah PM KISAN hamthatna dawngtu te nen biakhmuhtheihna kaltlangin lo chhim ve a ni a. He hun hi district office a mi pawimawh tak tak te leh Village council members ten an hmanpui a ni.