PMKSY hnuaia mimal huan/leilet/tuikhuah siamna Contract hna anga Party Worker-te pek tum avangin mimal tanpuina dawntur tih khawtlai a ni.

#ZONEWS July 17, 2025: Zawlnuam Vengpui (MNF) Unit thuchhuah chuan, PMKSY hnuaia mimal huan/leilet/tuikhuah siamna Contract hna anga Party Worker-te pek tum avangin tih khawtlai a nih thu an tar lang a. PMKSY dawngtute an lawmpui rualin, hetianga mimal dawn tur, party worker-te hnena contract anga pek tum avanga tihkhawtlai a ni hi pawi an tih thu an sawi bawk a ni.

ZAWLNUAM VENGPUI UNIT
Lawmthu/Ngenna

PMKSY 2.0 Mamit hnuaia Zawlnuam Vengpui a Halfmoon Terrace siam tura thlan, huan neitu chhungkaw 5 (panga) te chu an hnathawhna tur sum kum khat vel zet tihkhawtlai a nih hnuah pe thuai tura kan Ngenna ngai pawimawh a, Ni 15.7.2025 a 1st Instalment pek an ni ta hi Zawlnuam Vengpui MNF Unit chuan kan lawmpui a. Hetianga pek tlai an nih chhan hi Halfmoon Terrace siam hna hi huan neitute kuta pe lo a, Contractor/Superviser kuta dah sak tum vang a ni. Hei hi huan neitute hian hrethiam loin an mahni kutkawih ngeia an huan lo siam ve a, mihran daih Contractor/Superviser ten hna an thawh ai chuan thawhsak loh mai an duh zawk hial vang a hren khawtlai a ni.

PMKSY hnuaia mimal huan/leilet/tuikhuah siamna tura sum tam tham pawh ni lo, hmuh thin te hi Contract hna anga Party Worker kuta pek hi mirethei -kut hnathawk te rahbehna-ah Zawlnuam Vengpui MNF Unit chuan a ngai a. Tun hnuah chuan PMKSY hnuaia mimal huan/tuikhuah siamna tura sum lo kal thin te hi a ram neituten mahni ram ngeia an inhlawh ve theihna a ni nghal tih hriaa Party induhsakna atana Contract hna anga midang kuta pek sak lo turin thuneitute kan ngen a. Party Worker hetianga mimal huan/tuikhuah cheina Contract hna anga pek te pawh mahni thenawm khawveng te chanvo a ni tih hriaa a ram neitute kuta pe let ngam turin kan ngen a ni.

Sd/-K.Lalsangzuala
Secretary MMF Unit
Zawlnuam Vengpui