PU RAMTHANMAWIA MLA CHUAN CHAMPHAI COLLEGE GRADUATION DAY A HMANPUI

#ZONEWS July 26, 2025: Nimin Dt.25/7/2025 (zirtawp ni) khan Pu Ramthanmawia MLA chuan Govt Champhai college graduation day a hmanpui. Pu Ramthanmawia chuan, tih tak takna nena lehkha zir tur leh ruihhlo laka fihlim turin zirlaite a chah a, vai ram leh Aizawl pan kher ngailo a, college changtlung tak Champhai District-in an nei chu a lawmawm a ti tak zet tih a sawi a, zirlai mi 141 zetin hlawhtlinna chang thei tura Principal leh a Staffs-te thawhrimnaah lawmthu a sawi bawk. Social media hman dan thiam tur leh social media-a thu post nazawng awilo turin zirlaite a chah bawk.

Party politics ruih chilh lo tur te, environment humhalh kawnga tan la tura chah bawkin phai lam leh Aizawl kher a lehkha zir hi hlawhtlinna ani lo a, tih tak takna neih hi hlawhtlinna kailawn dik tak chu a ni zawk a ti. Zirna chu kan ram leh hnam himna ani tih hre reng tur leh central service-a luh tum turin zirlaite a fuih bawk.

Pu Papuia chuanMLA anih tantirh atangin zirna a ngaih pawimawh nghal thu te, a bial khaw 26 a zirna In a fan chhuah mai bakah Anganwadi thlengin a fang chhuak vek a, zirlai awm tawh loh avanga sorkar sikul tihtawp mai tur pathum a chhanchhuah thu a sawi tel bawk.

Government Champhai College Graduation Day hi College Multipurpose Hall-ah hman niin, Graduate thar 141 an awm a, Govt Champhai college hi 1971 a din ani a, kum 2025 acedemic session kal mekah zirlai 600 chuang zet in admit tawhin, zirlai engemaw zat admission tih tum an la awm mek bawk a ni.