RAM PUM HUAP RULHUT HLO PEK BEIHPUI THLAK (NATIONAL DEWORMING DAY) HAWNNA (LAUNCHING PROGRAMME ) CMO AIZAWL EAST HOVA HMAN A NI

#ZONEWS Aizawl August 11, 2025: Vawiin khan CMO Aizawl East District hovin ram pum huap rulhut hlo pek beihpui thlakna programme (National Deworming Day) hawnna hun ( launching programme) , Government Central Higher Secondary School, College Veng-ah hman a ni a.He rulhut hlo pek beihpui thlak hian rulhut vanga naupang thisen tlachham leh hrisel lohna hrang hrang a thlen theih tihbo hi a tum a ni.

He rulhut hlo pek beihpui thlak hawnna inkhawmah hi Pu Samuel Ralte, EE, AWDD, North Division, PHE Aizawl chuan khuallian niin a chhim , beihpui thlak programme hi a hawng nghal bawk a ni. Khuallian chuan department hrang hrang thawhhona pawimawhzia leh NDD pawimawhna te a sawi.

He hawnna programme tawi hi Dr. Lalhlunpuii, Sr. CMO chuan kaihruaiin, rulhut-hlo ei pawimawhna leh department dangte nen a thawhhona tha neih a pawimawh thu a tarlang. Dr. Lalbiaksangi Rawihte, DRCHO chuan NDD chungchang a hriattur pawimawh leh Rulhut hlo ei pawimawhna leh ei dan tur dikte zirtirna hun a hmang bawk.

Vawiin programme hi Women and child Development, Education department staff leh ANM School, Zemabawk ten tel puiin, School naupangte rulhut-hlo ei tir nghal and ni.