Serchhip DC chuan khawlaia ui chhuah khapna thupek a chhuah

#ZONEWS Serchhip August 11, 2025: India ram chhung leh Mizoram chhung ah faina leh hriselna lama hma kan sawn theihna turin sawrkar in chak tak in hmalakna a kalpui mek zel a. Serchhip District chhungah pawh mipuiten faina leh hraselna lama hma kan lo sawn zel theihnan theihtawpa hmalakna kalpui a ni bawk a ni. Hetih lai hian ui khuahkhirh lova khawlaia chhuah tir thin hian khawtlang faina, himna leh hriselna a nghawng theih bak ah khawtlang hmasawnna leh changkanna daltu a ni thei a. Serchhip District Magistrate Pu Paul L Khuma chuan Section 163 of Bharatiya Nagarik Suraksha Sanhita, 2023 tlawh chhanin a hnuaia thupek hi a chhuah:

1. Mi tumahin midangte tana harsatna siam zawng leh midangte tana hnawksakin ui an vulh tur a ni lo. 
2. Ui vulh tuten khawlaiah an ui te an chhuah zalen tur a nil ova, khawlaia an chhuahpui dawnin hrui/chain rinawm tha taka hlingin an kai ngei tur a ni.
3. Ui vulh tuten an an ui vulh te tha takin an khuahkhirh tur a ni.
4. Ui khawlaia tla leh a nghawnga hrul/chain a thlunna awm lo te chu neitu awm lo anga ngaih a ni ang.
5. Ui vulh tuten an ui vulhte zun leh ek khawlaiah an hnutchhiah tur a ni lo.

He thupek hian thu leh awm hma chu Order chhuah a nih atanga thla 2 (two months) chhung a huam ang.

He thupek zawm lo chu Section 223 of Bharatiya Nyaya Sanhita, 2023 dan hmangın hrem theih an ni ang.