Saitualah District Level Children’s Science Congress 2025 neih a ni

#ZONEWS Saitual October 16, 2025: Vawiin khan Gospel Centenary Hall, Saitual Venglaiah Samagra Shiksha, Saitual leh STAM tangkawp buatsaih District Level Children’s Science Congress 2025 neih a ni a, District Bawrhsap Dr. Lalngura Tlau chu khuallian niin hun a hmanpui.

He hunah hian District Bawrhsap Dr. Lalngura Tlau chuan thu a sawi a, Children’s Science Congress buatsaihtute chu fakawm a tih thu sawiin, naupangteah hmasawnna a thlen ngei a beisei thu a sawi bawk. Bawrhsap chuan Science & Technology tel lo chuan khawvelin hma a sawn thei lo tih sawiin, Science & Tech lama hnufual apiang an ram a rethei thin, a ti.

Dr. Lalngura Tlau chuan zirlai naupangte chu STEM (Science, technology, engineering, and mathematics) lamah kal chho turin a fuih a, ram tana hmasawnna thlentu an nih ngei theih nan a duhsakna a hlan bawk a ni. Intihsiaknaah chuan chak leh chak loh an awm a tul thin tih a sawi a, naupangte chu chaka awm dan bakah chak loah awm dan pawh thiam turin a fuih a, State Level mai bakah National Level thlenga thleng chho tura a theih tawp chhuah turin a fuih a, a duhsakna sang ber a hlan nghal a ni.

Saitual District Level Children’s Science Congress-ah hian District chhunga school pariat (8) an tel a, chungte chu- Govt. Saitual High School, Govt. Saitual Higher Secondary School, Buhban Secondary School (RMSA), Presbyterian English School, Saitual, Presbyterian English School, Keifang, Govt. Middle School, Rulchawm, Govt. Rulchawm High School leh Govt. Keifang High School te an ni a, junior leh senior cateorgy ah then niin, zirlaite hian project 12 an pho chhuak a ni.

Zirlai naupangte presentation lo endik turin Dr. Lalhmingliana Hnamte, Associate Professor, Govt. Zirtiri Residential College, leh Pu Lalzuala Sailo, SDO, PHE leh Pi Angela Roluahpuii, ADHO te ruat an ni a. Saitual District Level Children’s Science Congress a lawmman dawng tute chu:-

Junior category:

1. Presbyterian English School, Saitual
2. Buhban Secondary School (RMSA)
3. Presbyterian English School, Keifang

Senior category:
1. Govt. Saitual High School,
2. Buhban Secondary School (RMSA)
3. Govt. Saitual Higher Secondary School

Vawiin Children’s Science Congress hi Pu Laldingliana, DEO & DPC in a kai hruai a, khuallian Dr. Lalngura Tlau chuan thu sawiin, Pu R. Lalhmangaiha, Dy. DPC Samagra Shiksha chuan Children’s Science Congress hman a nih chhan te a sawifiah a, Pi K. Lalruatpuii. District Coordinator, CSC chuan report a pe bawk a ni. Intihsiakna hun hman a nih zawh hian  result puan niin, lawmman sem zui nghal a ni a. Pu C. Vanlalhriatpuia, Project Assistant, Samagra Shiksha chuan lawmthu sawinain hun a khar a ni.